चायना-पाकिस्तान इकॉनॉमिक कॉरिडॉर (सीपीईसी) हा चीनच्या अब्जावधी डॉलर्सच्या महत्त्वाकांक्षी बेल्ट अँड रोड योजनेचा सर्वात महत्वाचा भाग आहे. तथापि, पाकिस्तानमधीलसीपीईसी योजनेच्या संथ गतीमुळे चिनी कंपन्या नाराज आहेत. गेल्या तीन वर्षांत या प्रकल्पावर झालेल्या शून्य प्रगतीमुळे पाकिस्तानच्या सिनेट पॅनेलनेही चिंता व्यक्त केली आहे. (Chinese companies are frustrated with cpec project as no work is done by pak authorities in past three years)
यासंदर्भात बोलताना सीनेटच्या स्थायी समितीचे अध्यक्ष असलेले सलीम मांडवीवाला म्हणाले, चीन सीपीईसी कामाच्या गतीवर समाधानी नाही आणि गेल्या तीन वर्षांत त्यांनी पोर्टफोलिओमध्ये कुठलीही प्रगती बघितलेली नाही. यामुळे चिनी लोक नाराज असल्याचे, त्यांनी म्हटले आहे. एवढेच नाही, तर चिनी राजदूताने आपल्याकडे तक्रार केली, की आपण सीपीईसीला बर्बाद केले आहे आणि गेल्या तीन वर्षांत कोणतेही काम झालेले नाही.
कट्टरता जगासाठी सर्वात मोठं आव्हान; अफगाणिस्तान जिवंत उदाहरण; SCO समिटमध्ये PM मोदींचा प्रहार
सीपीईसी अथॉरिटीचे प्रमुख असीम सलीम बाजवा यांनी 60 अब्ज डॉलर्सचा हा सीपीईसी प्रकल्प पाकिस्तानसाठी लाइफलाइन असल्याचे म्हटले होते. एवढेच नाही तर, हा प्रकल्प पाकिस्तानला प्रगत आणि विकसित देशांच्या यादीत बसवेल, असेही ते म्हणाले होते. मात्र, आता बाजवा यांना बाजूला करून खालिद मन्सूर यांना सीपीईसी अथॉरिटीचे प्रमुख करण्यात आले आहे.
त्यांनी सीपीईसीच्या फेज 1 पावर प्रोजेक्ट्ससंदर्भातील कमिटीला माहिती दिली आहे. यात गुंतवणुकदारांसमोर येणाऱ्या आव्हानांसंदर्भातही भाष्य करण्यात आले आहे. यात स्वतंत्र वीज प्रकल्पाचा मुद्दा, दीर्घ काळापासून थकलेले कर्ज, ऑटोमॅटिक पेमेंट्ससाठी खाते तयार करणे, अशा अनेक मुद्द्यांचा समावेश आहे. मंसूर यांना ऊर्जा आणि पेट्रोकेमिकल क्षेत्राशी संबंधित मेगा प्रकल्पांचा 32 वर्षांचा अनुभव आहे.