बांगलादेशातील अल्पसंख्याक हिंदू समुदायावर होणाऱ्या हल्ल्यांची मालिका थांबण्याचे नाव घेत नाहीये. राजबारी जिल्ह्यातील सदर उपजिल्हा येथे एका हिंदू तरुणाला जाणूनबुजून वाहनाने चिरडून ठार मारल्याची धक्कादायक घटना शुक्रवारी घडली. या घटनेमुळे स्थानिक हिंदू समुदायात भीतीचे वातावरण पसरले आहे.
मृत हिंदू तरुणाचे नाव रिपन साहा (वय, ३०) असे आहे. तो राजबारी येथील गोलंडा मोरे जवळील करीम फिलिंग स्टेशनवर कार्यरत होता. प्रत्यक्षदर्शींनी दिलेल्या माहितीनुसार, एका वाहनचालकाने पंपावर इंधन भरले, मात्र पैसे देण्यास नकार दिला. रिपन साहाने त्याला थांबवण्याचा प्रयत्न केला असता, आरोपी चालकाने रागाच्या भरात जाणूनबुजून रिपनच्या अंगावर गाडी घातली. या भीषण अपघातात रिपनचा जागीच मृत्यू झाला.
या प्रकरणी पोलिसांनी तत्परता दाखवत वाहन जप्त केले असून, गाडीचा मालक अबुल हाशेम याला अटक केली आहे. हाशेम हा बांगलादेश नॅशनलिस्ट पार्टीच्या राजबारी जिल्हा युनिटचा माजी कोषाध्यक्ष असल्याची माहिती समोर आली. यासोबतच चालक कमाल हुसेन यालाही बानिभान निपारा गावातून ताब्यात घेण्यात आले. "हा अपघात नसून खुनाचा स्पष्ट प्रकार आहे. आरोपीने पैसे देण्यास नकार दिला तेव्हा पीडित तरुण वाहनासमोर उभा होता, तरीही चालकाने त्याला धडक दिली आणि पळ काढला", अशी माहिती सदर पोलीस ठाण्याचे अधिकारी खोंडकर झियाउर रहमान यांनी दिली.
बांगलादेशात गेल्या काही दिवसांपासून हिंदूंवरील अत्याचाराच्या घटनांमध्ये वाढ झाली. याच आठवड्यात दागनभुईयान उपजिल्ह्यात समीर दास या हिंदू तरुणाची धारदार शस्त्रांनी हत्या करण्यात आली. त्याचा मृतदेह एका शेतात आढळून आला होता. भारत सरकारने या घटनांबद्दल तीव्र चिंता व्यक्त केली आहे. अल्पसंख्याकांच्या सुरक्षेसाठी बांगलादेशच्या अंतरिम सरकारने कठोर पावले उचलावीत, अशी अपेक्षा भारताने व्यक्त केली आहे.मानवाधिकार संघटनांच्या मते, बांगलादेशातील सध्याच्या राजकीय अस्थिरतेच्या काळात अल्पसंख्याक हिंदू समुदाय असुरक्षित झाला असून, त्यांच्यावरील लक्ष्यित हल्ले हे मोठे आव्हान बनले आहे.
Web Summary : A Hindu youth, Ripon Saha, was deliberately run over and killed in Bangladesh after arguing about fuel payment. Police arrested the vehicle owner, a BNP official, and the driver. Recent attacks on Hindus have raised concerns, prompting India to urge protection for minorities.
Web Summary : बांग्लादेश में ईंधन के पैसे को लेकर विवाद में एक हिंदू युवक, रिपन साहा, को जानबूझकर गाड़ी से कुचल दिया गया। पुलिस ने वाहन मालिक, एक बीएनपी अधिकारी और चालक को गिरफ्तार किया। हिंदुओं पर हाल के हमलों से चिंता बढ़ गई है, जिसके बाद भारत ने अल्पसंख्यकों की सुरक्षा का आग्रह किया है।