सैन्य सज्ज, हवाई क्षेत्र; बुधवारी इराणवर हल्ला होणार होता, त्यावेळी ट्रम्प यांना दोन फोन आले...

१३ जानेवारी रोजी अमेरिका इराणवर हल्ला करण्याच्या तयारीत होता. ट्रम्प यांनी अनेक पर्यायांचा विचार केला आणि हल्ल्याची तयारी करण्याचे आदेश दिले. पण ट्रम्प यांचा अंतिम आदेश येण्यापूर्वी, अमेरिकन राष्ट्राध्यक्षांना दोन महत्त्वाचे फोन आले. एक इस्रायली पंतप्रधानांकडून आणि दुसरा सौदी क्राउन प्रिन्स सलमान यांचा फोन आला.

मागील काही दिवसांपासून इराण-अमेरिकेत तणाव सुरू होता. मागील बुधवारी अमेरिकाइराणवर हल्ला करणार होता. अमेरिकेने तशी तयारी केली होती, सुरक्षेच्या कारणास्तव, अमेरिकन सैन्याने कतारमधील अल उदेद हवाई तळ रिकामा करण्यास सुरुवात केली. अमेरिकन नौदलाचा पाचवा ताफाही बहरीनमधून रिकामा करण्यात आला.

ऑफिसमध्ये महिलेसोबत आक्षेपार्ह स्थितीत डीजीपीचा व्हिडीओ व्हायरल; आयपीएसने सांगितले, ती क्लिप खोटी

अमेरिका हल्ला करणार आहे याची खात्री पटल्यानंतर इराण सरकारने त्यांचे हवाई क्षेत्र बंद करण्याची नोटीस जारी केली. "ही बनावट किंवा युक्ती नव्हती." दरम्यान, बुधवारी दुपारी ट्रम्प त्यांच्या उच्च राष्ट्रीय सुरक्षा पथकासोबत होणाऱ्या महत्त्वाच्या बैठकीकडे लक्ष लागले. पण तास उलटले आणि व्हाईट हाऊसकडून कोणतीही बातमी आली नाही. ट्रम्प यांनी बैठक थांबवण्याचा निर्णय घेतला होता.

मिळालेल्या माहितीनुसार, अमेरिका परिस्थितीवर लक्ष ठेवून होता. लष्कर खूप लवकर कारवाई करण्याच्या स्थितीत होते, परंतु आदेश आला नाही, अशी माहिती अमेरिकन अधिकाऱ्याने दिली. राष्ट्राध्यक्ष ट्रम्प यांना सावधगिरी बाळगण्याचा सल्ला एका फोनवरुन  दिला. हा फोन इस्रायली पंतप्रधान बेंजामिन नेतान्याहू यांचा होता.

इस्रायली पंतप्रधान बेंजामिन नेतान्याहू म्हणाले की, इस्रायल संभाव्य इराणी प्रत्युत्तर हल्ल्यापासून स्वतःचे रक्षण करण्यास तयार नाही, कारण इस्रायलला इराणी क्षेपणास्त्रे आणि ड्रोन रोखण्यास मदत करण्यासाठी अमेरिकेकडे या प्रदेशात पुरेसे सैन्य नाही. शिवाय, पंतप्रधान नेतान्याहू यांच्या सल्लागाराने सांगितले की, नेतन्याहू यांना वाटते की सध्याची अमेरिकन योजना पुरेशी मजबूत नाही आणि ती प्रभावी होणार नाही. ट्रम्प

तात्पुरत्या माघारीला सहमत

मिळालेल्या माहितीनुसार, सौदीचे युवराज मोहम्मद बिन सलमान यांनीही ट्रम्प यांच्याशी चर्चा केली आणि प्रादेशिक स्थिरतेवर होणाऱ्या परिणामांबद्दल चिंता व्यक्त केली. नेतन्याहू यांचा इशारा आणि अमेरिकन सैन्याविरुद्ध इराणी प्रत्युत्तराच्या धोक्याबद्दल ट्रम्प यांच्या टीमने दिलेली माहिती ही कारणे होती, यामुळे ट्रम्प तात्पुरत्या माघारीला सहमत झाले. 

ट्रम्प यांनी शुक्रवारी सांगितले की, त्यांना कोणीही सल्ला दिला नव्हता तर त्यांनी स्वतःला राजी केले होते. एक प्रमुख घटक म्हणजे जूनमध्ये इराणशी झालेल्या शेवटच्या संघर्षापासून, कॅरिबियन आणि पूर्व आशियामध्ये अनेक अमेरिकन सैन्य आणि शस्त्रे तैनात करण्यात आली होती.