गेल्या काही दिवसांपासून बांगलादेशमध्ये अल्पसंख्याक हिंदूंवर अनन्वित अत्याचार सुरू आहेत. दरम्यान, दीपू दास याची जमावाने हत्या केल्यानंतर जगभरातून संतप्त प्रतिक्रिया उमटत असतानाचा आता आणखी एका हिंदू तरुणाची बेदम मारहाण करून हत्या करण्यात आल्याची घटना घडली आहे. अमृत मंडल उर्फ सम्राट असं या मृत तरुणाचं नाव आहे. अमृत मंडल याला भर बाजारात बेदम मारहाण करण्यात आली. तसेच त्याचा मृत्यू होईपर्यंत जमाव त्याला मारहाण करत राहिला.
मिळालेल्या माहितीनुसार ही घटना बुधवारी रात्री ११ वाजण्याच्या सुमारास पांग्शा उपजिल्ह्यातील होसैनडांगा ओल्ड मार्केट येथे घडली. मात्र पोलिसांनी नागरिकांना त्वरित याची माहिती दिली नाही.
पोलिसांनी दिलेल्या माहितीनुसार अमृत मंडल याच्याविरोधात खंडणी वसुलीचे कथित आरोप होते. पांग्शान मॉडेल पोलीस ठाण्याचे ओसी शेख मोईनूल इस्लाम यांनी आज सकाळी या घटनेला दुजोरा दिला आहे. त्यांनी सांगितले की, अमृत मंडल ऊर्फ सम्राट हा पोलिसांच्या रेकॉर्डवर नोंद अशलेल्या सम्राट वाहिनीचा म्होरक्या होता. तो होसैनडांगा गावातील रहिवासी अक्षय मंडल याचा मुलगा होता. आता पोलीस या प्रकरणी अधिक तपास करत आहे. या घटनेनंतर परिसरात तणावाचं वातावरण आहे.
Web Summary : Another Hindu youth, Amrit Mandal, was brutally beaten to death in Bangladesh's Pangsha Upazila. Police confirmed the incident, stating Mandal had alleged extortion charges and was a known leader. Tension grips the area.
Web Summary : बांग्लादेश के पांगशा उपजिला में एक और हिंदू युवक, अमृत मंडल की बेरहमी से पीट-पीटकर हत्या कर दी गई। पुलिस ने घटना की पुष्टि की, मंडल पर जबरन वसूली के आरोप थे और वह एक नेता था। इलाके में तनाव है।