३२ हजार रुपये पाण्याचं बिल आल्यावर 'तिने' काय केलं बघा... कपाळावर हात माराल!

वाढत्या महागाईचा फटका नेहमीच सर्वसामान्य जनतेला बसतो.

फ्लोरिडा : वाढत्या महागाईचा फटका नेहमीच सर्वसामान्य जनतेला बसतो. अमेरिकामध्ये एका महिलेला पाण्याचे बिल चक्क 32 हजार रुपये आले. त्यामुळं वैतागलेल्या त्या महिलेनं अद्दल घडवण्यासाठी हजारोंची चिल्लर घेऊन कार्यालयात गेली. 

अमेरिकामधील फ्लोरिडा येथे एका महिलेला पाण्याचे बिल 493 डॉलर म्हणजेच 32 हजार रुपये आले होते. हे बिल भरण्यासाठी त्या महिलेनं 49 हजार नाणी घेऊन गेली.  स्थानिक माध्यमांनुसार, डेल्टोना वाटर डिपार्टमेंटने डाना मॅकलो यांच्या घरी पाण्याचे  बिल 493 डॉलर पाठवले. ही रक्कम भरण्यासाठी डाना मॅकलो 49 हजार नाणी घेऊन कार्यालयात पोहचली. रिपोर्टनुसार डेल्टोना वाटर डिपार्टमेंटला हे सिक्के मोजण्यासाठी तीन ते चार तासांचा कालावधी लागला.  

डाना मॅकलो यांनी ही माहिती आपल्या फेसबुक पेजवरुन दिली.  डाना मॅकलोने फेसबुकवर लाईव्ह व्हिडीओ पोस्ट करत वॉटर डिपार्टमेंटवर आपला राग व्यक्त केला.