भारतीय पुरूष हॉकी संघाचा मालिकेवर कब्जा

भारतीय पुरूष हॉकी संघाने सातत्यपूर्ण कामगिरी करताना न्यूझीलंडला सलग दुस-या सामन्यात पराभवाची चव चाखवली.

बंगळुरू - भारतीय पुरूष हॉकी संघाने सातत्यपूर्ण कामगिरी करताना न्यूझीलंडला सलग दुस-या सामन्यात पराभवाची चव चाखवली. तीन सामन्यांच्या मालिकेतील दुस-या लढतीत भारताने 3-1 असा दणदणीत विजय मिळवला. रुपिंदर पाल ( 18 मि. ), एस व्ही सुनील ( 27 मि. ) आणि मनदीप सिंग ( 56 मि. ) यांनी प्रत्येकी एक गोल करून भारताला विजय मिळवून दिला. न्यूझीलंडकडून जीनसने 24 व्या मिनिटाला एकमेव गोल केला. पहिल्या सामन्यात भारताने न्यूझीलंडला 4-2 असे नमवले होते. त्यात रुपिंदरसिंगने दोन गोल केले होते.