विजय पाटील/ सेनगाव :शिवसेना (उद्धव ठाकरे गट) च्या उपनेत्या सुषमा अंधारे या वटकळी येथे आल्या असता त्यांनी एका हॉटेलवर वडे, समोशे तळून त्याचा अस्वाद घेतला. यावेळी पदाधिकाऱ्यांची उपस्थिती होती.
तालुक्यातील पानकनेरगाव येथे उपनेत्या सुषमा अंधारे ३ फेब्रुवारी रोजी संवाद यात्रेनिमित्त आल्या होत्या. यावेळी त्यांनी सभेला मार्गदर्शन केले. यावेळी शिवसेना उपनेत्या अस्मिता गायकवाड, माजी आ. नागेश पाटील आष्टीकर, शिवसेना जिल्हाप्रमुख संदेश देशमुख, विनायकराव भिसे, भैय्या पाटील गोरेगावकर, रूपालीताई पाटील गोरेगावकर, संपर्क प्रमुख गोपू पाटील, युवा सेना जिल्हाप्रमुख शिवा शिंदे, डॉ. अजय मुंदडा, गणेश शिंदे, संतोष देवकर, जगन्नाथ, देशमुख, प्रवीण महाजन आदींची उपस्थिती होती.
४ फेब्रुवारी रोजी वटकळी फाट्याजवळ आले असता उपनेत्या अंधारे यांनी वटकळी येथील महावीर हॉटेलमध्ये मूगवडे तळून आस्वाद घेतला. यानंतर अंधारे यांनी यादवराव शिंदे यांच्या रसवंतीवर रस घेतला. यावेळी उपसरपंच केशवराव शिंदे, संजय शिंदे, अंकुश देवकर, देवराव बोरुडे आदींच्या वतीने त्यांचा सत्कार करण्यात आला.