प्रधानमंत्री मातृवंदना सप्ताह

शासनाकडून १ सप्टेंबर २०१७ पासून प्रधानमंत्री मातृवंदना योजनेस प्रारंभ करण्यात आला. वर्षपूर्ती झाल्याने देशभरात १ ते ७ सप्टेंबर या कालावधीत राष्टÑीय आरोग्य अभियानच्या माध्यमातून मातृवंदना सप्ताह राबविण्यात येणार आहे.

लोकमत न्यूज नेटवर्कहिंगोली : शासनाकडून १ सप्टेंबर २०१७ पासून प्रधानमंत्री मातृवंदना योजनेस प्रारंभ करण्यात आला. वर्षपूर्ती झाल्याने देशभरात १ ते ७ सप्टेंबर या कालावधीत राष्टÑीय आरोग्य अभियानच्या माध्यमातून मातृवंदना सप्ताह राबविण्यात येणार आहे.केंद्र शासनाच्या महिला व बालविकास मंत्रालयाने गतवर्षीपासून ‘प्रधानमंत्री मातृवंदना’ योजना सुरू केली. सुदृढ व निरोगी बालक जन्माला यावे, तसेच गरोदरमाता व बालमृत्यूच्या वाढत्या संख्येत घट व्हावी, यासाठी सदर योजना प्रभावीपणे राबविण्याच्या सूचनाही दिल्या होत्या. त्यानुषंगाने जिल्हा आरोग्य विभागातर्फे हजारो गरोदर मातांना योजनेअंतर्गत लाभ देण्यात आला. पात्र लाभार्थ्यांना ५ हजार रूपये तीन टप्प्यांत देत आधार संलग्नित बँक खात्यावर रक्कम जमा केली जाते. पहिला हप्ता १ हजार रुपये असून यासाठी गरोदरपणाची नोंद आरसीएच पोर्टलमध्ये एएनएमकडे १५० दिवसांत करणे आवश्यक आहे. दुसरा हप्ता २ हजार, तिसरा हप्ता २ हजार असे एकूण ५ हजार दिले जातात. जास्तीत जास्त गरोदर मातांनी योजनेचा लाभ घेण्याचे आवाहन जिल्हा आरोग्य अधिकारी डॉ. शिवाजी पवार यांनी केले आहे.