विनानंबरच्या धावताहेत दुचाकी
हिंगोली: शहरात मागील काही दिवसापासून विनानंबरची वाहने धावत आहेत. त्यात ही वाहने भरधाव चालविली जात असल्याने अपघाताची शक्यता बळावत आहे. क्वचित किरकोळ अपघात झाला तरी विनाक्रमांक असलेल्या वाहनांचे चालक पळ काढत आहेत. यामुळे दोषी वाहनचालक सापडणे अवघड बनले आहे. त्यामुळे विनाक्रमांकाची वाहने चालविणाऱ्या चालकांवर दंडात्मक कारवाई करावी, अशी मागणी होत आहे.
रस्त्यावरच फोडताहेत काचेच्या बाटल्या
हिंगोली: शहरातील जुनी जिल्हा परिषद ते नवीन जिल्हा परिषद इमारत रोडवर अनेक दारूडे सायंकाळच्या वेळी दारू पीत आहेत. दारू पिल्यानंतर दारूची बॉटल रस्त्यावरच फोडत आहेत. यामुळे रस्त्यावर काचा होत असून याचा सायंकाळच्या वेळी शतपावली करणाऱ्या नागरिकांना त्रास होत आहे. याकडे लक्ष देऊन दारूड्यांचा बंदोबस्त करावा, अशी मागणी होत आहे.