कोरोनाचे नवे ३ रुग्ण; दोन बरे

जिल्ह्यात ३१ रोजी अँटिजन चाचणीत हिंगोली १२, औंढा ४८, वसमत ७४, सेनगावात १४ जणांची तपासणी करूनही कोणी बाधित आढळले नाही, तर कळमनुरीत ३४ पैकी सहयोगनगरात एक रुग्ण आढळला. आरटीपीसीआर चाचणीत हिंगोली १२, औंढा ३०, वसमत ३५, कळमनुरी १३३ चाचण्या करूनही कोणी बाधित नाही, तर सेनगावात ३५ पैकी सुलदली येथील दोन बाधित समोर आले. आज नवीन कोविड सेंटरमधून बरे झालेल्या दोघांना डिस्चार्ज देण्यात आला आहे.

जिल्ह्यात आजपर्यंत कोरोनाचे एकूण १५,९९८ रुग्ण आढळले आहेत. यापैकी १५,५९२ जण बरे झाले, तर ३८८ जणांचा मृत्यू झाला आहे. सध्या १८ जणांवर उपचार सुरू आहेत. यापैकी ३ जणांची प्रकृती गंभीर असल्याने त्यांना ऑक्सिजनवर ठेवले आहे. तर एक जण अतिगंभीर असल्याने त्याला बायपॅप मशीनवर ठेवण्यात आले आहे.