रेल्वे स्टेशनकडे जाणार्‍या ररस्त्याचे तीन-तेरा

येथील सिव्हील लाईंनवासीयांना रेल्वे स्थानकाकडे जाण्यासाठी सोयीस्कर ठरणार्‍या रस्त्याचे तीन-तेरा वाजले आहे. सिव्हील लाईंस परिसरातील नागरिकांचे या रस्त्यानेच रेल्वे स्थानकाकडे जाणे-येणे सुरू असते.

गोंदिया : येथील सिव्हील लाईंनवासीयांना रेल्वे स्थानकाकडे जाण्यासाठी सोयीस्कर ठरणार्‍या रस्त्याचे तीन-तेरा वाजले आहे. सिव्हील लाईंस परिसरातील नागरिकांचे या रस्त्यानेच रेल्वे स्थानकाकडे जाणे-येणे सुरू असते. मात्र आजघडीला हा रस्ता ठिकठिकाणी उखडला आहे. रस्त्यावर मोठय़ा प्रमाणात खड्डे पडल्याने येथून ये-जा करणे आज कठीण झाले आहे. करिता या रस्त्याची दुरूस्ती करण्याची मागणी सिव्हील लाईंनवासी क रीत आहेत. सिव्हील लाईंन परिसरात शहराच्या शेवटच्या टोकावर वसलेल्या विवेकानंद कॉलोनी पासून ते अन्य भागातूून सुद्धा बहुतांश नागरिकांना रेल्वे स्थानकाकडे जावयाचे असल्यास त्यांना रेल्वे क्वार्टर परिसरातून टेलीफोन एक्सचेंज समोरचा रस्ता उपयुक्त ठरतो. याच मार्गावर टेलीफोन एक्सचेंज व पोस्ट ऑफीस, बाई गंगाबाई रूग्णालय असल्याने व पुढे जाऊन बाजार तसेच रेल्वे स्थानक येत असल्याने या मार्गावर दिवसरात्र वर्दळ असते. रेल्वे स्थानकावरून सिव्हील लाईंस मध्ये जायचे म्हटल्यास रिक्षा व ऑटोवाले थेट याच मार्गाने होत प्रवाशांना घेऊन जातात. यामुळे सिव्हील लाईंसवासीयांसाठी हा रस्ता महत्वाचा आहे. आजघडीला मात्र या रस्त्याची पार दुर्गत झाली आहे. हा रस्ता ठिकठिकाणी उखडून गेला आहे. यामुळे रस्त्यावर मोठाले खड्डे पडले असून यातून मार्ग काढत ये-जा करणे त्रास दायक झाले आहे. आज या रस्त्याने आवागमन केले असता दचके बसत असून चिमुकले वृद्धांना येथून घेऊन जाणे धोकादायक झाले आहे. असे असतानाही स्थानिक जनप्रतिनिधी किंवा नगरसेवकांचे याकडे दुर्लक्ष दिसून येत आहे. सध्या शहरात रस्ता दुरूस्तीची कामे वेगाने होत आहेत. हि चांगली बाब आहे, मात्र यासोबतच महत्वाच्या रस्त्यांची दुरूस्ती होणे अतिशय गरजेचे आहे. करीता सिव्हील लाईंसवासीयांसाठी महत्वपूर्ण असलेल्या या रस्त्याची त्वरीत दुरूस्ती करण्यात यावी अशी मागणी सिव्हील लाईंस मधील नागरिक करीत आहेत.  (शहर प्रतिनिधी)