आतापर्यंत ३३६ उमेदवारी अर्जांची उचल

उमेदवारी अर्ज दाखल करण्यासाठी आता शेवटचे तीनच दिवस उरले आहेत. त्यामुळे राजकीय पक्षांकडून तिकिट जाहीर होईल तेव्हा होईल मात्र अर्ज उचल करण्यासाठी इच्छूक पुढे येवू लागले आहेत. जिल्ह्यात सोमवारपर्यंत (दि.३०) चारही विधानसभा मतदारसंघांत २६२ अर्जांची उचल करण्यात आली होती.

ठळक मुद्देगोंदिया मतदारसंघात सर्वाधिक १३६ : सात उमेदवारी अर्ज दाखल

लोकमत न्यूज नेटवर्कगोंदिया : भारतीय जनता पक्षाने जिल्ह्यातील आपले उमेदवार जाहीर केल्यानंतर निवडणुकीचा जोर अधिकच वाढला आहे. त्यात नामांकन अर्ज दाखल करण्याचा शेवटचा दिवस जवळ येत असल्याने इच्छुकांकडून अर्जांची उचल करण्याची संख्याही वाढत असल्याचे दिसत आहे. मंगळवारी (दि.१) जिल्ह्यातील चारही विधानसभा मतदारसंघात ७४ अर्जांची उचल करण्यात आली. सहा अर्ज दाखल करण्यात आले आहेत. यामुळे आतापर्यंत एकूण ३३६ उमेदवारी अर्जांची उचल झाली असून एकूण सात अर्ज दाखल करण्यात आले आहेत.उमेदवारी अर्ज दाखल करण्यासाठी आता शेवटचे तीनच दिवस उरले आहेत. त्यामुळे राजकीय पक्षांकडून तिकिट जाहीर होईल तेव्हा होईल मात्र अर्ज उचल करण्यासाठी इच्छूक पुढे येवू लागले आहेत. जिल्ह्यात सोमवारपर्यंत (दि.३०) चारही विधानसभा मतदारसंघांत २६२ अर्जांची उचल करण्यात आली होती.त्यात मंगळवारी (दि.१) एकूण ७४ अर्जांची उचल करण्यात आली.यात, (६३) अर्जुनी-मोरगाव विधानसभा मतदारसंघात १६, (६४) तिरोडा विधानसभा मतदारसंघात २१, (६५) गोंदिया विधानसभा मतदारसंघात ३२ तर (६६) आमगाव विधानसभा मतदारसंघात पाच उमेदवारी अर्जांची उचल करण्यात आली आहे.म्हणजेच, आतापर्यंत एकूण ३३६ उमेदवारी अर्जांची इच्छुकांकडून उचल करण्यात आली आहे.शिवाय आतापर्यंत एकूण सात उमेदवारी अर्ज दाखल करण्यात आले आहेत. यामध्ये, सोमवारी (दि.३०) गोंदिया विधानसभा मतदारसंघातून एक अर्ज दाखल करण्यात आला असतानाच मंगळवारी (दि.१) सहा अर्ज दाखल करण्यात आले आहेत. यामध्ये तिरोडा विधानसभा मतदारसंघातून दोन तर गोंदिया विधानसभा मतदारसंघातून चार अर्ज दाखल करण्यात आले आहेत.