जिल्ह्यातील १४७ जणांचे नमुने निगेटिव्ह

जिल्ह्यात २५ मार्च रोजी पहिला कोरोना बाधीत रुग्ण आढळला होता. त्यानंतर जिल्हा प्रशासन आणि आरोग्य विभागाने कोरोनाचा संसर्ग टाळण्यासाठी जिल्ह्यात विविध प्रतिबंधात्मक उपाययोजना राबविल्या. त्यामुळे मागील १४ दिवसांत कोरोनाचा एकही नवीन रुग्ण जिल्ह्यात आढळला नाही. तर जिल्ह्यातील पहिला कोरोना बाधीत रुग्ण सुद्धा आता पूर्णपणे कोरोनामुक्त झाला आहे.

ठळक मुद्दे५५ नमुन्यांचा अहवाल अप्राप्त : ६५ जण शासकीय क्वारंटाईन कक्षात

लोकमत न्यूज नेटवर्कगोंदिया : कोरोना विषाणू संसर्गाच्या अनुषंगाने जिल्ह्यातील एकूण २०३ जणांचे स्वॅब नमुने नागपूर येथील प्रयोगशाळेत तपासणीसाठी पाठविण्यात आले होते. यापैकी शुक्र वारपर्यंत १४८ स्वॅब नमुन्यांचा अहवाल जिल्हा आरोग्य विभाग व शासकीय वैद्यकीय महाविद्यालयाला प्राप्त झाला आहे. यासर्व १४८ नमुन्यांचा अहवाल निगेटिव्ह आला असून ५५ स्वॅब नमुन्यांचा अहवाल अद्याप प्रयोगशाळेकडून प्राप्त झालेला नाही.जिल्ह्यात २५ मार्च रोजी पहिला कोरोना बाधीत रुग्ण आढळला होता. त्यानंतर जिल्हा प्रशासन आणि आरोग्य विभागाने कोरोनाचा संसर्ग टाळण्यासाठी जिल्ह्यात विविध प्रतिबंधात्मक उपाययोजना राबविल्या. त्यामुळे मागील १४ दिवसांत कोरोनाचा एकही नवीन रुग्ण जिल्ह्यात आढळला नाही. तर जिल्ह्यातील पहिला कोरोना बाधीत रुग्ण सुद्धा आता पूर्णपणे कोरोनामुक्त झाला आहे. त्यामुळे जिल्ह्यात आता एकही कोरोना रु ग्ण नसल्याने जिल्हा कोरोनामुक्त झाला आहे. जिल्ह्यात कोरोना प्रादुर्भाव होऊ नये आणि जिल्हा पूर्णपणे कोरोना मुक्त राहावा, यासाठी जिल्ह्यात बाहेरील जिल्हा आणि राज्यातून येणाऱ्या नागरिकांवर प्रशासनाची करडी नजर आहे. शिवाय जिल्ह्याच्या सर्व सीमा सील करण्यात आल्या असून केवळ परवानगी पासेस असणाऱ्यांच प्रवेश दिला जात आहे. तर कोरोना संसर्गाच्या अनुषंगाने थोडी लक्षणे दिसताच त्यांना शासकीय क्वारंटाईन कक्षात दाखल करु न त्यांच्यावर त्वरीत उपचार सुरू केले जात आहे. तसेच त्यांच्या घशातील स्त्रावाचे नमुने घेऊन ते नागपूर मेयो येथील प्रयोगशाळेत पाठविले जात आहे. शुक्र वारपर्यंत (दि.२४) जिल्ह्यातील एकूण २०३ जणांचे स्वॅब नमुने घेवून ते नागपूर येथील प्रयोगशाळेत पाठविण्यात आले होते. यापैकी १४८ नमुने निगेटिव्ह आले असून ५५ नमुन्यांचा अहवाल अद्याप प्राप्त व्हायचा आहे.पाच क्वारंटाईन कक्षात ६५ जणांवर उपचारजिल्ह्यातील पाच शासकीय क्वारंटाईन कक्षात सध्या एकूण ५५ जणांवर उपचार सुरू आहे. यामध्ये बाहेरील राज्य आणि जिल्ह्यातून आलेल्या व्यक्तींचा समावेश आहे. जिल्हा क्र ीडा संकुलमध्ये ४०, गोंदिया आयुर्वेदिक कॉलेज मध्ये १०,चांदोरी येथे १२, लहीटोला येथे एक आणि तिरोडा येथील नगर परिषद लिटिल बर्ड कॉन्व्हेंट मध्ये एक अशा एकूण ६५ जणांचा समावेश आहे.