लोकमत न्यूज नेटवर्क, गोंदिया : नागझिरा अभयारण्यात ११ एप्रिल रोजी एनटी-३ ही वाघीण सोडण्यात आली होती. मात्र ती १३ एप्रिलला भरकटली होती. तिला लावलेला कॉलर आयडीसुद्धा निघून पडला होता.
त्यामुळे या वाघिणीचे लोकेशन कळत नव्हते. व्याघ्र प्रकल्पातील व्हीएचएफ चमू व क्षेत्र अधिकारी यांनी शोधमाेहीम राबविली. त्यानंतर ही वाघीण सोमवारी या क्षेत्रात आढळली. त्यानंतर तिला पुन्हा कॉलर आयडी लावून याच क्षेत्रात निसर्गमुक्त करण्यात आले. सोमवारी सकाळी ९:३० वाजता तिला ट्राक्युलाइज करून पुन्हा सॅटेलाइट जीपीएस काॅलर आयडी लावून निसर्गमुक्त करण्यात आले.