जिल्ह्यातील २०१ स्वॅब नमुने कोरोना निगेटिव्ह

जिल्ह्यात सद्या स्थितीत कोरोनाचा एकही रुग्ण नसून जिल्हा कोरोनामुक्त झाला आहे. त्यामुळे पुन्हा जिल्ह्यात कोरोनाचा संसर्ग वाढू नये यासाठी कोरोना संसर्गाच्या अनुषंगाने थोडी लक्षणे दिसताच त्यांचे स्वॅब नमुने घेऊन ते तपासणीसाठी नागपूर येथील प्रयोगशाळेत पाठविले जात आहे. तर प्रतिबंधात्मक उपाययोजना म्हणून शासकीय क्वारंटाईन कक्षात दाखल करु न त्यांच्यावर उपचार केले जात आहे.

ठळक मुद्दे१९ नमुन्यांचा अहवाल अप्राप्त : ५१ जण शासकीय क्वारंटाईन कक्षात

लोकमत न्यूज नेटवर्कगोंदिया : कोरोना विषाणू संसर्गाच्या अनुषंगाने जिल्ह्यातील आतापर्यंत एकूण २२० जणांचे स्वॅब नमुने तपासणीसाठी नागपूर मेयो येथील प्रयोगशाळेत पाठविण्यात आले होते. यापैकी २०१ स्वॅब नमुन्यांचा अहवाल मंगळवारपर्यंत (दि.२८) जिल्हा आरोग्य विभाग व शासकीय वैद्यकीय महाविद्यालयाला प्राप्त झाला आहे. यात २०१ नमुने कोरोना निगेटिव्ह आले असून १९ नमुन्यांचा अहवाल अद्याप प्राप्त व्हायचा आहे.जिल्ह्यात सद्या स्थितीत कोरोनाचा एकही रुग्ण नसून जिल्हा कोरोनामुक्त झाला आहे. त्यामुळे पुन्हा जिल्ह्यात कोरोनाचा संसर्ग वाढू नये यासाठी कोरोना संसर्गाच्या अनुषंगाने थोडी लक्षणे दिसताच त्यांचे स्वॅब नमुने घेऊन ते तपासणीसाठी नागपूर येथील प्रयोगशाळेत पाठविले जात आहे. तर प्रतिबंधात्मक उपाययोजना म्हणून शासकीय क्वारंटाईन कक्षात दाखल करु न त्यांच्यावर उपचार केले जात आहे.जिल्ह्यातून आतापर्यंत एकूण २२० जणांचे स्वॅब नमुने नागपूर येथील प्रयोगशाळेत पाठविण्यात आले होते. यापैकी २०१ जणांच्या स्वॅब नमुन्यांचा अहवाल प्राप्त झाला असून हे सर्व नमुने कोरोना निगेटिव्ह आल्याने जिल्हावासीयांना दिलासा मिळाला आहे.तर १९ स्वॅब नमुन्यांचा अहवाल अद्याप प्राप्त व्हायचा आहे. जिल्ह्यात कोरोनाचा प्रादुर्भाव वाढू नये यासाठी जिल्हा प्रशासनातर्फे विविध प्रतिबंधात्मक उपाययोजना राबविल्या जात आहे. त्यामुळेच जिल्हा कोरोनामुक्त ठेवण्यात मदत होत आहे.१८ दिवसांत नवीन रु ग्णाची नोंद नाहीजिल्ह्यात पहिला कोरोना बाधीत रुग्ण आढळून आल्यानंतर जिल्ह्यात खळबळ उडाली होती. तसेच दहशतीचे वातावरण निर्माण झाले होते. त्यानंतर जिल्हा प्रशासन, आरोग्य विभाग आणि पोलीस प्रशासनाने संयुक्तपणे उपाययोजना राबविल्या. त्यामुळे कोरोनाच्या रु ग्णांच्या संख्येत वाढ झाली नाही. तर मागील १८ दिवसांत जिल्ह्यात एकही नवीन रु ग्ण आढळून आला नाही.सात शासकीय क्वारंटाईन कक्षात ५१ जणकोरोनाचा प्रादुर्भाव होवू नये यासाठी कोरोना संसर्गाच्या अनुषंगाने थोडीही लक्षणे दिसताच प्रतिबंधात्मक उपाययोजना म्हणून त्यांना शासकीय क्वारंटाईन कक्षात दाखल करु न त्यांचे स्वॅब नमुने घेवून उपचार केले जात आहे. यातंर्गत जिल्ह्यातील सात शासकीय क्वारंटाईन कक्षात ५१ जण उपचार घेत आहेत. यामध्ये जिल्हा क्र ीडा संकुल येथे २०, एम.एस आयुर्वेदिक कॉलेज येथे दोन, ग्राम चांदोरी येथे १८, ग्राम येगाव येथे एक, तिरोडा येथील नगर परिषद लिटिल बर्ड कॉन्व्हेंट मध्ये तीन, ग्राम घटेगाव येथे चार आणि ग्राम बिरसी उपकेंद्र येथे तीन अशा एकूण ५१ व्यक्तींचा समावेश आहे.