लोकमत न्यूज नेटवर्क, वास्को: गोव्यात शिवसेनेचे संघटन तळागाळापर्यंत पोहोचविण्यासाठी आणि पक्षाचे कार्य अधिक विस्तारण्यासाठी तालुकास्तरावरील कार्यकर्त्यांनी पक्षात येण्याचा ओढा वाढला आहे. याच मोहिमेचा भाग म्हणून शुक्रवारी मुरगाव तालुक्यातील साहिल काणकोणकर यांची तालुकाप्रमुख म्हणून नियुक्ती करण्यात आली.
यावेळी शिंदेसेनेचे ज्येष्ठ शिवसैनिक दिलीप शिर्के, तसेच गणेश चोडणकर आणि सुभाष चौगुले यांनी पणजी येथील पक्षाच्या मध्यवर्ती कार्यालयात रीतसर शिवसेनेत (शिंदे) प्रवेश केला.
शिवसेनागोवा राज्य प्रमुख उपेंद्र गावकर यांनी या सर्व कार्यकर्त्यांचे भगवे उपरणे घालून पक्षात स्वागत केले. यावेळी बोलताना गावकर यांनी सांगितले की, गोव्याच्या ज्वलंत प्रश्नांवर आवाज उठविण्यासाठी आणि स्थानिकांच्या हक्कासाठी शिवसेना सदैव तत्पर आहे. आजच्या या पक्षप्रवेशामुळे मुरगाव तालुक्यात पक्षाची ताकद निश्चितपणे वाढणार आहे.
या सोहळ्याला उत्तर गोवा जिल्हाप्रमुख सुनील सांतिनेजकर आणि दक्षिण गोवा जिल्हा उपप्रमुख सुहास खांदोळकर उपस्थित होते. आगामी काळात पक्ष संघटनेसाठी जोमाने कामाला लागण्याचे आवाहन केले.
Web Summary : Youth are joining Shinde Sena in Goa, strengthening the party at the grassroots level. Sahil Kankonkar was appointed as the taluka chief. Senior workers Dilip Shirke, Ganesh Chodankar, and Subhash Chaugule also joined the party. Upendra Gavkar welcomed them, emphasizing the party's commitment to local issues.
Web Summary : गोवा में युवा शिंदे सेना में शामिल हो रहे हैं, जिससे जमीनी स्तर पर पार्टी मजबूत हो रही है। साहिल काणकोणकर को तालुका प्रमुख नियुक्त किया गया। दिलीप शिर्के, गणेश चोडणकर और सुभाष चौगुले भी पार्टी में शामिल हुए। उपेंद्र गावकर ने उनका स्वागत किया और स्थानीय मुद्दों के प्रति पार्टी की प्रतिबद्धता पर जोर दिया।