Mamata Banerjee in Goa: ममता बॅनर्जी गोव्यात; प्रसिद्ध टेनिसपटू लिएंडर पेसचा तृणमूलमध्ये प्रवेश

Mamata Banerjee in Goa: ममता गोव्यात तीन दिवसांच्या दौऱ्यावर आल्या आहेत. पक्ष बांधणीस पर्यटन हे देखील त्यांच्या दौऱ्यात आहे. दुसऱ्या दिवशी त्या तीन मंदिरांना भेट देण्याबरोबरच मच्छीमारांना आणि नागरिकांना भेटणार आहेत.

पणजी : पश्चिम बंगालच्या मुख्यमंत्री ममता बॅनर्जी या गोवा दौऱ्यावर आहेत. गोव्यात पुढील वर्षी विधानसभा निवडणूक आहे. यामुळे ममता गोव्यात आल्या असून त्यांच्या उपस्थितीत प्रसिद्ध टेनिसपटू लिएंडर पेसने तृणमूल काँग्रेसमध्ये प्रवेश केला आहे. याचबरोबर नफीसा अली आणि मृणालिनी देशप्रभु यांनीदेखील टीएमसीमध्ये प्रवेश केला आहे. 

ममता बॅनर्जी यानंतर तीन प्रमुख मंदिरांना देखील भेटी देणार आहेत. टीएमसीने ट्विटरवर याची माहिती दिली आहे. पक्षाच्या अध्यक्षा ममता बॅनर्जी यांच्या उपस्थितीत या तिघांनी पक्ष प्रवेश केला आहे. 

ममता गोव्यात तीन दिवसांच्या दौऱ्यावर आल्या आहेत. पक्ष बांधणीस पर्यटन हे देखील त्यांच्या दौऱ्यात आहे. दुसऱ्या दिवशी त्या तीन मंदिरांना भेट देण्याबरोबरच मच्छीमारांना आणि नागरिकांना भेटणार आहेत. गोव्यातील पदाधिकाऱ्यांशी देखील त्या बैठक घेणार आहेत. 2022 मध्ये सर्वच्या सर्व 40 जागांवर तृणमूल काँग्रेस उमेदवार देणार असल्याची घोषणा करण्यात आली होती. प्रशांत किशोर यासाठी काम करत आहेत.