लोकमत न्यूज नेटवर्क, खोतिगाव : गावडोंगरी-पैंगिण येथे काल सायंकाळी ७.३० वा. गोवा फॉरवर्ड पक्षाने आयोजित केलेल्या सभेत आचारसंहितेच्या पहिल्याच दिवशी राडा झाला. यावेळी सभा थांबविण्यासाठी आलेल्या पोलिसांकडे लेखी आदेशाची मागणी करत फॉरवर्डच्या नेते आक्रमक झाले. त्यानंतर विना लाऊडस्पिकर ही सभा घेण्यात आली.
पैंगिण मतदारसंघाचे उमेदवार निश्चित झाल्यानंतर काल, शनिवारी गोवा फॉरवर्डने गावडोंगरी येथे सभेचे आयोजन केले होते. त्यासाठी आचारसंहिता जाहीर होण्यापूर्वी सभेसाठी पोलिसांकडे परवानगी मागितली. मात्र, परवानगी मिळण्यापूर्वीच आचारसंहिता जाहीर झाली. मात्र, गोवा फॉरवर्डचे नेते आमदार विजय सरदेसाई यांनी ठरल्याप्रमाणे गावडोंगरी येथे काल सभेला सुरुवात केली. याबाबत माहिती मिळताच पोलिसांनी धाव घेत परवान्याची मागणी केली.
आचारसंहितेच्या नियमानुसार सभेसाठी परवाना नसल्याचे सांगत पोलिसांनी सभा थांबविण्यास सांगितली. त्याचवेळी पक्षाच्या पदाधिकाऱ्यांनी सभा थांबविण्याचा लेखी आदेश दाखविण्याची मागणी केली. शेवटी विना लाऊड स्पीकर ही सभा घेण्याची सूचना करण्यात आली.
Web Summary : Police stopped a Goa Forward meeting at Gavdongri citing the code of conduct. Vijay Sardesai demanded written orders. The meeting proceeded without loudspeakers after the confrontation.
Web Summary : गावडोंगरी में गोवा फॉरवर्ड की सभा को पुलिस ने आचार संहिता का हवाला देते हुए रोका। विजय सरदेसाई ने लिखित आदेश की मांग की। टकराव के बाद बिना लाउडस्पीकर के सभा हुई।