गोव्यातील एका नाईट क्लबमध्ये काल रात्री उशिरा मोठी दुर्घटना घडली. अर्पोरा गावातील एका नाईट क्लबमध्ये रात्री १२ वाजण्याच्या सुमारास लागलेल्या भीषण आगीत २५ जणांचा मृत्यू झाला. यामध्ये काही पर्यटकांचा समावेश आहे. मृतांमध्ये बहुतेक जण तिथे काम करणारे क्लब कर्मचारी होते. जखमींना रुग्णालयात दाखल करण्यात आले आहे. आगीचे कारण सिलेंडरचा स्फोट असल्याचे मानले जात आहे, जरी पोलिसांनी याची पुष्टी केलेली नाही. आगीचे कारण अद्याप तपासात आहे, परंतु बहुतेक मृत्यू गुदमरल्याने झाले आहेत. अपघाताची माहिती मिळताच मुख्यमंत्री प्रमोद सावंत यांनी तातडीने घटनास्थळी धाव घेतली.
गोव्याचे मुख्यमंत्री प्रमोद सावंत यांनी अर्पोरा येथील मृत्यूंबद्दल दुःख व्यक्त केले. कारण शोधण्यासाठी चौकशीचे आदेश दिले. त्यांनी ही घटना दुर्दैवी असल्याचे वर्णन केले आणि जीव गमावलेल्यांप्रती शोक व्यक्त केला. गोवा सरकार सखोल चौकशी करेल आणि दोषी आढळणाऱ्यांना अटक करेल, असंही त्यांनी सांगितले.
गोवा डीजीपी आलोक कुमार यांनी सांगितले की, पोलिस नियंत्रण कक्षाला रात्री १२:०४ वाजता अर्पोरा येथील एका रेस्टॉरंटमध्ये आग लागल्याचा फोन आला. पोलिस, अग्निशमन दल आणि रुग्णवाहिका तातडीने घटनास्थळी दाखल झाल्या. एकूण २३ जणांचा मृत्यू झाला आहे. सर्व मृतदेह बाहेर काढण्यात आले आहेत. पोलिस घटनेचे कारण तपासतील आणि त्यांच्या निष्कर्षांवरून पुढील कारवाई करतील.
क्लबमध्ये सुरक्षा नियमांचे पालन केले जात नव्हते
नाईटक्लबने अग्निसुरक्षा नियमांचे पालन केले जात नव्हते अशी माहिती समोर आली आहे. मुख्यमंत्री प्रमोद सावंत सावंत म्हणाले, "सुरक्षा नियमांचे उल्लंघन करूनही क्लब व्यवस्थापन आणि त्यांना काम करण्यास परवानगी देणाऱ्या अधिकाऱ्यांवर आम्ही कारवाई करू. गोव्यातील पर्यटन हंगामात ही दुर्दैवी घटना आहे. आम्ही या घटनेची सविस्तर चौकशी करू आणि दोषींवर कठोर कारवाई केली जाईल. भाजप आमदार मायकल लोबो म्हणाले, "एकूण २३ मृतदेह बाहेर काढण्यात आले आहेत आणि बांबोलीम येथील सरकारी वैद्यकीय महाविद्यालयात पाठवण्यात आले आहेत. अग्निशमन दल आणि पोलिस पथके तात्काळ घटनास्थळी पोहोचली आणि रात्रभर बचाव कार्य सुरू आहे.
Web Summary : A devastating fire at a Goa nightclub killed 23, including tourists and staff. A cylinder blast is suspected, but the cause remains under investigation. CM Sawant has ordered an inquiry into the tragic incident, promising strict action against those responsible.
Web Summary : गोवा के एक नाइट क्लब में आग लगने से 23 लोगों की मौत हो गई, जिनमें पर्यटक और कर्मचारी शामिल हैं। सिलेंडर विस्फोट का संदेह है, लेकिन जांच जारी है। मुख्यमंत्री सावंत ने जांच के आदेश दिए हैं।