- सूरज नाईकपवार मडगाव - गोव्यातील सासष्टी तालुक्यातील पाझंरकणी येथे रस्त्यावरुन चालत जात असलेल्या एका ८८ वर्षीय वृध्द महिलेला आज रविवारी पहाटे अज्ञात वाहनाने ठोकर देउन उडविले. त्या वृध्देचा या अपघातात घटनास्थळीच मृत्यू झाला. लाॅरेन्सिना फर्नांडीस असे मयताचे नाव असून, तिचे मानसिंक संतुलन बिघडले होते अशी माहिती कुंकळ्ळी पोलिसांकडून मिळाली आहे. अपघातानंतर त्या अज्ञात वाहनचालकाने वाहनासह घटनास्थळाहून पोबारा केला. पोलिस सदया त्या वाहनचालकाचा शोध घेत आहेत.मयत मूळ बायडा चिंचणी येथील रहिवाशी आहे. ती मानसिक स्थिती नीट नव्हती. घरातील मंडळींंना न सांगताच ती घराबाहेर पडली होती. चालत ती जात असताना , भरधाववेगाने येणाऱ्या एका वाहनाने तीला धडक दिली. व नंतर त्याने घटनास्थळाहून पळ काढला. पहाटे साडेपाचच्या दरम्यान अपघाताची वरील घटना घडली.
पहाटे रस्त्यावरुन जाणाऱ्या काहीजणांनी एक वृध्द महिला रस्त्यावर निपचित पडल्याने दिसल्यांनंतर यासंबधी कुुंंकळळी पोलिसांना कळविले. नंतर १०८ मदत सेवेच्या ॲम्बुलन्सला बोलाविण्यात आले. डॉक्टरांनी तिला मृत घाेषीत केले. मयताच्या डोक्याला तसेच शरिराच्या अन्य ठिकाणी इजा पोहचली आहे. पोलिसांनी घटनास्थळी जाउन अपघाताचा पंचनामा केला. घटनास्थळी हजर असलेल्या काहीजणांनी मयताची ओळख पटविली. पुढील वैदयकीय सोपास्कारासाठी मृतदेह येथील दक्षिण गोवा जिल्हा इस्पितळाच्या शवागारात पाठवून देण्यात आला आहे. पोलिस निरीक्षक डायगो ग्रासियश यांच्या मार्गदर्शनाखाली उपनिरीक्षक सुहास वेळीप पुढील तपास करीत आहेत.