लोकमत न्यूज नेटवर्क, पणजी: मुख्यमंत्री डॉ. प्रमोद सावंत यांनी दिल्लीत येथे एआय इम्पॅक्ट शिखर परिषदेनिमित्त पंतप्रधान नरेंद्र मोदी यांनी आयोजित केलेल्या डिनर व सांस्कृतिक कार्यक्रमाला उपस्थिती लावली. या कार्यक्रमात मुख्यमंत्र्यांनी सेलेस्टा कॅपिटलचे संस्थापक व्यवस्थापकीय भागीदार श्रीराम विश्वनाथन यांची भेट घेऊन संवाद साधला.
कृत्रिम बुद्धिमत्ता, तंत्रज्ञानातील गुंतवणूक, स्टार्टअप्ससाठी संधी आणि गोव्यातील नवउद्योग वातावरण या विषयांवर मुख्यमंत्र्यांनी चर्चा केली. या संवादातून गोव्यात उदयोन्मुख तंत्रज्ञान, एआय उद्योगांसाठी गुंतवणुकीच्या शक्यता निर्माण होण्याची अपेक्षा व्यक्त करण्यात येत आहे.
राज्यात संशोधन, कौशल्यविकास आणि डिजिटल पायाभूत सुविधा मजबूत करण्यासाठी अशा जागतिक गुंतवणूकदारांशी संवाद महत्त्वाचा ठरणार असल्याचे मुख्यमंत्री सावंत यांनी नंतर नमूद केले. एआय इम्पॅक्ट शिखर परिषदेस देशातील व आंतरराष्ट्रीय तंत्रज्ञान क्षेत्रातील मान्यवर उपस्थित होते. गोव्यात तंत्रज्ञानाला अधिक ठळक स्थान मिळवून देण्यासाठी राज्य सरकार प्रयत्नशील असल्याचा संदेश या भेटीतून देण्यात आला.
Web Summary : Chief Minister Pramod Sawant attended the AI Impact Summit dinner in Delhi. He discussed AI investment, startups, and Goa's tech environment with Celesta Capital's Sriram Vishwanathan, hoping to attract technology investment to Goa and strengthen digital infrastructure.
Web Summary : मुख्यमंत्री प्रमोद सावंत ने दिल्ली में 'एआई इम्पैक्ट समिट' के रात्रिभोज में भाग लिया। उन्होंने सेलेस्टा कैपिटल के श्रीराम विश्वनाथन के साथ गोवा में एआई निवेश और स्टार्टअप्स पर चर्चा की, जिससे गोवा में प्रौद्योगिकी निवेश की उम्मीद है।