ऑनलाईन अध्यापन होणार

राज्यात कोरोना विषाणूचे रूग्ण दिवसेंदिवस वाढत आहेत. कोरोनाचा संसर्ग रोखण्यासाठी सर्व शैक्षणिक संस्था शासनाच्या निर्देशानुसार बंद आहेत. मात्र शासन निर्देशानुसार शैक्षणिक प्रथम वर्ष सोडून उर्वरित अभ्यासक्रम १ ऑगस्ट पासून प्रथम वर्ष १ सप्टेंबर २०२० पासून सुरू होणार आहे. राज्यात नवीन कोरोना पॉझिटिव्ह रूग्णांची संख्या लक्षात घेता यात सुधारणा होण्याची शक्यता कमी आहे.

ठळक मुद्देकोरोनाबाबत खबरदारी : नवीन शैक्षणिक सत्रात ऑनलाईन प्रवेशाची शक्यता

लोकमत न्यूज नेटवर्कगडचिरोली : नवीन शैक्षणिक सत्र तोंडावर असताना देशभरासह राज्यात कोरोना विषाणूचा संसर्ग दिवसेंदिवस वाढत आहे. अशास्थितीत नियोजित तारखेनुसार विद्यापीठाशी संलग्नित महाविद्यालये सुरू होण्याची शक्यता कमी आहे. या संदर्भात राज्याच्या मुख्यमंत्र्यांनी ऑनलाईन अध्ययन-अध्यापन प्रक्रियेसंदर्भात कार्यवाहीचे निर्देश दिले आहेत. त्यानुसार गोंडवाना विद्यापीठांतर्गत येणाऱ्या महाविद्यालयांमध्ये ऑनलाईन अध्ययन-अध्यापन प्रक्रिया होण्याची शक्यता आहे.राज्यात कोरोना विषाणूचे रूग्ण दिवसेंदिवस वाढत आहेत. कोरोनाचा संसर्ग रोखण्यासाठी सर्व शैक्षणिक संस्था शासनाच्या निर्देशानुसार बंद आहेत. मात्र शासन निर्देशानुसार शैक्षणिक प्रथम वर्ष सोडून उर्वरित अभ्यासक्रम १ ऑगस्ट पासून प्रथम वर्ष १ सप्टेंबर २०२० पासून सुरू होणार आहे. राज्यात नवीन कोरोना पॉझिटिव्ह रूग्णांची संख्या लक्षात घेता यात सुधारणा होण्याची शक्यता कमी आहे. कोरोना विषाणूचा प्रादुर्भाव १०० टक्के नष्ट होईल, हे सांगणे कठिण आहे. या पार्श्वभूमीवर विद्यापीठाचे नवीन शैक्षणिक सत्र १५ जूनपासून सुरू होत आहे. या सत्रामध्ये अध्ययन-अध्यापन प्रक्रिया सुरू होणे आवश्यक आहे. या संदर्भात मुख्यमंत्र्यांनी ऑनलाईन अध्ययन व अध्यापन प्रक्रियेसंदर्भात कार्यवाही करण्याचे निर्देश दिले आहेत. राज्यपालांनीसुद्धा विद्यार्थ्यांच्या ऑनलाईन प्रवेशाबाबत आदेश निर्गमित केले आहेत. कोरोना विषाणूच्या संकटात महाविद्यालये सुरू करणे धोक्याचे आहे. तसेच कनिष्ठ महाविद्यालयीन निकालानंतर वरिष्ठ महाविद्यालयीन पातळीवर प्रवेश प्रक्रिया राबविण्यासाठी योग्य तयारी करणे आवश्यक आहे. नवीन प्रवेश प्रक्रियेदरम्यान महाविद्यालयांमध्ये प्रवेशासाठी विद्यार्थ्यांची गर्दी उसळू शकते. याद्वारे फिजिकल डिस्टन्सिंगच्या नियमांचा फज्जा उडण्याची शक्यता नाकारता येत नाही. त्यामुळे नवीन शैक्षणिक सत्रात प्रथम वर्षातील महाविद्यालयीन प्रवेश प्रक्रिया आॅनलाईन घ्यावी लागण्याची शक्यता आहे. त्यानुसार गोंडवाना विद्यापीठातर्फे संलग्नित महाविद्यालयांमध्ये आॅनलाईन अध्ययन-अध्यापन प्रक्रिया होण्याची शक्यता आहे.१२ ला प्राचार्यांची सभा२०२०-२१ या नवीन शैक्षणिक सत्रातील शैक्षणिक योजना आखण्यासाठी शुक्रवार १२ जून रोजी सकाळी ११ वाजता गोंडवाना विद्यापीठाशी संलग्नित प्राचार्य तसेच विद्यापीठाच्या पदव्युत्तर शैक्षणिक विभागाच्या प्रमुखांची सभा ऑनलाईन प्लॅटफार्मवर आयोजित करण्यात आली आहे. या सभेमध्ये तंत्रज्ञान प्लॅटफार्मची निर्मिती, अध्यापनशास्त्र मार्गदर्शक तत्त्वे, आकर्षक व रंजक शैक्षणिक व्हिडिओ, स्वतंत्र व तत्सम प्लॅटफार्मवरील शैक्षणिक साहित्य तसेच सद्य:स्थितीतील अभ्यासक्रमाशी मॅपिंग करणे, विद्यार्थ्यांना क्रेडिटसाठी लॅब तयार करून देणे, चर्चा करून आराखडा तयार करणे, आॅनलाईन प्रवेश प्रक्रीया आचार्य पदवीकरिता ऑनलाईन मौखिक परीक्षा आदी विषयांवर सभेत चर्चा होणार आहे.