प्रवाशी त्रस्त : मागील तीन वर्षांपासून आगाराचे डांबरीकरण रखडलेगडचिरोली : स्थानिक एसटी आगार परिसरातील डांबर पूर्णपणे उखडून गेला असल्याने प्रचंड प्रमाणात खड्डे पडले आहेत. याचा त्रास प्रवाशांसह एसटी कर्मचाऱ्यांना होत आहे. त्यामुळे या परिसरात डांबर टाकून खड्डे बुजवावे, अशी मागणी प्रवाशांकडून होत आहे. गडचिरोली बसस्थानकात एसटी बसला प्रवेश करण्यासाठी व बाहेर निघण्यासाठी स्वतंत्र मार्ग देण्यात आले आहेत. या दोन्ही मार्गावरही खड्डे पडले आहेत. बसस्थानकाच्या अगदी समोरसुध्दा खड्डे पडले आहेत. या खड्ड्यांमुळे एसटीचेही नुकसान होते. मार्गावर खड्डे असल्याचे कारण पुढे करून बऱ्याचवेळा एसटी महामंडळ बसेस रद्द करते. मात्र आगारातच प्रचंड प्रमाणात खड्डे पडले असताना याकडे दुर्लक्ष झाले आहे. एसटी महामंडळाला कार्पोरेट करून प्रवाशांना आपल्याकडे आकर्षीत करून त्यांना चांगली सेवा देण्याच्या उद्देशाने तरी सदर खड्डे बुजविणे आवश्यक आहे. पावसाळ्यात या खड्ड्यांमध्ये पाण साचून राहते. बसस्थानकासमोरचा भाग खोलगट असल्याने या ठिकाणीतर प्रचंड पाणी साचून राहते. आगाराने याकडे लक्ष द्यावे, अशी मागणी प्रवाशांकडून होत आहे. धुळीचा त्रास वाढलाबसस्थानक परिसरातील डांबर उखडून गिट्टी बाहेर निघली आहे. याठिकाणी दिवसभर बसेस ये-जा करतात. बसेस आल्यानंतर किंवा जातेवेळी खड्ड्यांमधील धूळ उडून याचा त्रास प्रवाशांना व एसटीतील कर्मचाऱ्यांनाही होत आहे. त्यामुळे डोळ्याचे आजार वाढण्याची शक्यता नाकारता येत नाही. याकडे आगाराने लक्ष देणे गरजेचे आहे.
एसटी आगारात खड्ड्यांचे साम्राज्य
By admin | Updated: July 19, 2015 01:49 IST