‘त्या’ १.१२ कोटीच्या रकमेचे गूढ कायम

तहसीलदार कल्याणकुमार डहाट आणि स्टेट बँकेच्या व्यवस्थापकांसमक्ष त्या रकमेची मोजणी केली असता वाहनात १ कोटी १२ लाख रुपयांची रोकड आढळून आली. सदर रक्कम तेंदूपत्त्याची मजुरी देण्यासाठी नेली जात असल्याचे सांगण्यात आले असले तरी त्यावर पोलिसांनी अद्याप तरी विश्वास ठेवलेला नसल्याचे दिसून येते. या प्रकरणाचा तपास सुरूच असल्याचे सहायक पोलीस निरीक्षक चेतनसिंह चौहान यांनी शुक्रवारी सायंकाळी सांगितले.

ठळक मुद्देचौकशी सुरूच : २४ तासानंतरही निष्कर्ष नाही

लोकमत न्यूज नेटवर्कआरमोरी : गोंदियाकडून एका वाहनातून आलेल्या १ कोटी १२ लाख रुपयांच्या रकमेचे गूढ उकलण्यात आरमोरी पोलिसांना २४ तासानंतरही यश आले नाही. त्यामुळे या प्रकरणाचे गांभिर्य आणखीच वाढले असून ही रक्कम नेमकी कुठे आणि कशासाठी जात होती हे याचा शोध लावण्याचे आव्हान पोलिसांपुढे निर्माण झाले आहे.देसाईगंज मार्गावरील कोसा विकास केंद्राजवळ नाकेबंदीदरम्यान गुरूवारी (दि.११) आरमोरी पोलिसांनी गोंदियावरून आलेली एमएच ३५, पी ९००१ ही कार पकडली. तपासणी केल्यानंतर आतमध्ये मोठी रोकड मिळाली.तहसीलदार कल्याणकुमार डहाट आणि स्टेट बँकेच्या व्यवस्थापकांसमक्ष त्या रकमेची मोजणी केली असता वाहनात १ कोटी १२ लाख रुपयांची रोकड आढळून आली. सदर रक्कम तेंदूपत्त्याची मजुरी देण्यासाठी नेली जात असल्याचे सांगण्यात आले असले तरी त्यावर पोलिसांनी अद्याप तरी विश्वास ठेवलेला नसल्याचे दिसून येते. या प्रकरणाचा तपास सुरूच असल्याचे सहायक पोलीस निरीक्षक चेतनसिंह चौहान यांनी शुक्रवारी सायंकाळी सांगितले.सिरोंचा येथे नक्षल्यांसाठी जात असलेली रक्कम पकडल्यानंतर सर्वच ठिकाणचे पोलीस सक्रिय झाले आहेत.कारमध्ये ग्रामसभांची रक्कम बुडविणारा कंत्राटदारपोलिसांनी जप्त केलेल्या त्या कारमध्ये संजय किशोर टेहर (५४), स्नेहल बिपीनभाई पटेल (४५), समीर कयुम कुरेशी तिघेही रा.गोंदिया हे तिघे होते. यापैकी स्रेहल पटेल हे तेंदू कंत्राटदार असून त्यांनी २०१७ मधील कंत्राटापोटी ५ ग्रामसभांची ६ कोटी रुपयांची रॉयल्टी अद्याप दिलेली नाही. त्यासाठी वनविभागाने सदर कंत्राटदाराचे हे वाहनही गडचिरोलीच्या वन नाक्यावर अडविले होते. शुक्रवारी ते जिल्हाधिकाऱ्यांच्या आदेशाने सोडून दिल्याचे समजते. त्याच प्रकरणातील कंत्राटदाराला आता एवढ्या मोठ्या रकमेसह आरमोरीत पकडण्यात आले.