एचआयव्हीचा संसर्ग हाेऊ नये, यासाठी शहरी व ग्रामीण भागातील आराेग्य यंत्रणेमार्फत काळजी घेतली जात आहे. गर्भवती महिलांची दुसऱ्या किंवा तिसऱ्या महिन्यात एचआयव्ही चाचणी केली जाते. एचआयव्हीसह इतर चाचण्या केल्यानंतर गर्भवती महिलांचे गर्भवती माता कार्ड तयार केले जाते. प्रशासनाकडून मिळालेल्या माहितीनुसार सन२०१८-१९ या वर्षात जिल्हाभरात एकूण २० हजार ७६६ गर्भवती मातांची एचआयव्ही एड्स चाचणी करण्यात आली. यामध्ये चार माता एचआयव्ही पाॅझिटीव्ह आढळून आल्या. मात्र या चारही मातांनी निगेटीव्ह बाळांना जन्म दिला.
सन २०१९-२० या वर्षात एकूण २० हजार २३२ गर्भवती महिलांची एचआयव्ही तपासणी करण्यात आली. यात केवळ एक गर्भवती माता पाॅझिटीव्ह आढळून आली. या मातेने सुद्धा निगेटीव्ह बाळाला जन्म दिला. सन २०२१-२१ या चालू वर्षात एकूण १५ हजार १७४ गर्भवती महिलांची एचआयव्ही तपासणी करण्यात आली. यात डिसेंबर २०२० अखेरपर्यंत केवळ एक गर्भवती माता पाॅझिटीव्ह आढळून आली. या महिलेवर औषधाेपचार सुरू असून या गर्भवती मातेची ऑक्टाेबर महिन्यात प्रसूती हाेणार आहे.
बाॅक्स....
गडचिराेलीबाहेरील सहा पाॅझिटीव्ह गर्भवतींची प्रसुती
गडचिराेली येथील जिल्हा महिला व बाल रुग्णालयात लगतच्या चंद्रपूर व गाेंदिया जिल्ह्यातील रुग्ण माेठ्या संख्येने औषधाेपचारासाठी दाखल हाेतात. विशेष म्हणजे प्रसूतीसाठी वेळेवर गर्भवती महिला या रुग्णालयात येतात. जानेवारी ते डिसेंबर २०२० या कालावधीत गाेंदिया व चंद्रपूर जिल्ह्यातील अनेक गर्भवती महिला गडचिराेलीच्या महिला व बाल रुग्णालयात दाखल झाल्यावर त्याची प्रसूती झाली. यापैकी जिल्हाबाहेरील सहा गर्भवती महिला एचआयव्ही पाॅझिटीव्ह आढळून आले. त्यांनी गडचिराेली येथे निगेटीव्ह बाळांना जन्म दिला.
बाॅक्स.....
अशी घेतली जाते काळजी
शासनाच्या निर्देशानुसार गडचिराेली जिल्ह्यात एड्स नियंत्रण कार्यक्रमाची जनजागृती व प्रभावी अंमलबजावणी आराेग्य यंत्रणेच्या वतीने केली जात आहे. गर्भवती महिला एचआयव्ही पाॅझिटीव्ह आढळून आल्यानंतर त्या महिलांचे समुपदेशन केले जाते. त्यानंतर विविध सेवा माेफत उपलब्ध करून दिल्या जात आहेत. गर्भातील बाळाला एचआयव्हीचा संसर्ग हाेऊ नये, यासाठी अतिशय काळजीपूर्वक औषधाेपचार केला जाताे. पहिल्या दीड महिन्यानंतर गर्भवती महिलांची एचआयव्ही टेस्ट केली जाते. त्यानंतर सहा महिन्यांनी टेस्ट केली जाते, त्यानंतर काही महिन्यांतन टेस्ट केली जाते.