कोरोनाच्या सावटात कर्मचाऱ्यांचे कामबंद

राष्ट्रीय आरोग्य कर्मचारी मागील १० वर्षांपासून विविध पदांवर कंत्राटी तत्त्वावर काम करीत आहेत. त्यांना तुटपुंजे मानधन दिले जात आहे. आरोग्य विभागातील विविध पदांची जबाबदारी कंत्राटी तत्त्वावर असलेले अधिकारी व कर्मचारी सक्षमरित्या पार पाडत आहेत. यातील बहुतांश कर्मचाऱ्यांची शासकीय नोकरी लागण्याची वयोमर्यादा निघून गेली आहे.

ठळक मुद्देएनएचएम कर्मचाऱ्यांचे गुरूवारपासून आंदोलन : सेवेत कायम करण्याची मागणी; आरोग्य सेवा विस्कटण्याची शक्यता

लोकमत न्यूज नेटवर्कआष्टी/कुरखेडा : शासन सेवेत बिनशर्त सामावून घ्यावे या मुख्य मागणीसाठी एनएचएम कर्मचाºयांनी ११ जूनपासून बेमुदत कामबंद आंदोलन सुरू केले आहे. राज्यभरात कोरोना रुग्णांची संख्या वाढत आहे. अशा परिस्थितीत आरोग्य कर्मचाऱ्यांनी कामबंद आंदोलन सुरू केल्याने आरोग्य व्यवस्था विस्कळीत होण्याची शक्यता निर्माण झाली आहे.राष्ट्रीय आरोग्य कर्मचारी मागील १० वर्षांपासून विविध पदांवर कंत्राटी तत्त्वावर काम करीत आहेत. त्यांना तुटपुंजे मानधन दिले जात आहे. आरोग्य विभागातील विविध पदांची जबाबदारी कंत्राटी तत्त्वावर असलेले अधिकारी व कर्मचारी सक्षमरित्या पार पाडत आहेत. यातील बहुतांश कर्मचाऱ्यांची शासकीय नोकरी लागण्याची वयोमर्यादा निघून गेली आहे. मात्र या कर्मचाऱ्यांना आरोग्य विभागात काम करण्याचा अनुभव आहे. त्यामुळे या कर्मचाऱ्यांना शासकीय सेवेत सामावून घेण्याची मागणी मागील अनेक वर्षांपासून सदर कर्मचारी करीत आहेत. आजपर्यंत अनेकवेळा लोकशाही मार्गाने आंदोलने केली आहेत. मात्र त्यांच्या मागणीकडे शासन जाणूनबुजून दुर्लक्ष करीत आहे. सध्या राज्यभरात कोविड-१९ या आजाराची साथ पसरली आहे. गडचिरोली जिल्ह्यातही बिकट परिस्थिती आहे. तरीही एनएचएम कर्मचारी स्वत:चा जीव धोक्यात घालून रुग्णांना सेवा देत आहेत. एनएचएम कर्मचाºयांच्या मागणीचा विचार करून त्यांना सेवेत कायम करावे, या मागणीसाठी गुरूवारपासून कामबंद आंदोलन सुरू केले आहे.जिल्ह्यात कोरोनाच्या रुग्णांची संख्या वाढत आहे. अशा स्थितीत आंदोलनाचे हत्यार उपसले असल्याने रुग्णांची गैरसोय होण्याची शक्यता आहे. आष्टी येथील एनएचएम कर्मचाऱ्यांनी ग्रामीण रुग्णालयाच्या वैद्यकीय अधीक्षकांना निवेदन देऊन कामबंद आंदोलन सुरू केले. निवेदन देतेवेळी डॉ.प्रशांत धाकडे, डॉ.मृणालीनी उईके, श्रीदेवी पुप्पलवार, आशा सोनवाने, करिष्मा पेरमवार, मनोज बघमारे, गेमचंद गोंगले हजर होते. जोपर्यंत मागणी मान्य होत नाही. तोपर्यंत आंदोलन सुरूच ठेवण्याचा इशारा दिला आहे.देसाईगंजात निवेदनदेसाईगंज - येथील ग्रामीण रुग्णालयाच्या कर्मचाऱ्यांनी सुद्धा कामबंद आंदोलन सुरू केले आहे. याबाबतचे निवेदन जिल्हाधिकारी व मुख्याधिकारी यांना पाठविण्यात आले आहे. कामबंद आंदोलनात संगीता सरदार, कुंदा सहारे, किरण शिंदे, अरूण खरमाटे, अशोक जयसिंगपुरे, बाजीराव कांबळे, दिलीप उटाणे या एनएचएमच्या कर्मचाºयांनी सहभाग घेतला आहे.कुरखेडातील कर्मचारी आंदोलनावरकुरखेडा - उपजिल्हा रुग्णालयातील कर्मचाऱ्यांनी उपजिल्हा रुग्णालयाचे वैद्यकीय अधीक्षक डॉ.संभाजी ठाकर यांच्यामार्फत शासनाकडे निवेदन पाठविले. यावेळी राष्ट्रीय आरोग्य अभियान अधिकारी, कर्मचारी महासंघाचे जिल्हाध्यक्ष प्रशांत बांबोळे, हेमंत बोरकर, विनोद दुफारे, धम्मप्रिया झाडे, टिकेश्वरी करमकर, शुभांगी गहाणे, ममता कन्नाके, निशा चचाणे, डॉ.जगदीश राऊत, डॉ.प्रिया जुमनाके, डॉ.अर्चना ठलाल, डॉ.योगेश मानकर, डॉ.स्नेहा कृपाल, डॉ.तुषार बावनकुडे, फाजिल शेख, स्वाती मांडरे, चेतना भैसारे, अस्मिता सुरपाम, प्रियंका म्हशाखेत्री, मेघा राणे, कल्पना भट्ट, रश्मी मोगरे, सुषमा झंझाळ, आनंद नैताम, जावेद शेख, इरफान खान, प्रियंका धमगाये हजर होते.