नर्सेस संघटनेची जिल्हा आरोग्य अधिकाऱ्यांशी चर्चा

जिल्ह्यातील नर्सेसच्या अनेक समस्या सुटलेल्या नाहीत. त्यामुळे त्या त्वरित मार्गी लावण्यात याव्या,

उपोषणाचा इशारा : प्रलंबित समस्या सोडवागडचिरोली : जिल्ह्यातील नर्सेसच्या अनेक समस्या सुटलेल्या नाहीत. त्यामुळे त्या त्वरित मार्गी लावण्यात याव्या, अशी मागणी नर्सेस संघटनेच्या वतीने जिल्हा आरोग्य अधिकारी डॉ. कमलेश भंडारी यांच्याशी चर्चेद्वारे करण्यात आली. १२ जुलैपर्यंत तोडगा न काढल्यास संघटनेच्या वतीने आमरण उपोषण करण्याचा इशारा देण्यात आला. चर्चेदरम्यान महासंघाचे राज्याध्यक्ष उमेशचंद्र चिलबुले, जिल्हाध्यक्ष रतन शेंडे, नर्सेस संघटनेचे जिल्हाध्यक्ष माया सिरसाट, सचिव ज्योती कांबरे, कोषाध्यक्ष कल्पना रामटेके, उपाध्यक्ष छाया मानकर, सुपारे, कुमरे, पोटावी, बावणे, वड्डे उपस्थित होत्या. ए. एन. एम. ला पदोन्नती देण्यात यावी, ८० टक्के नर्सेसना स्थायी करावे, १२ व २४ वर्षांपेक्षा जास्त सेवा देणाऱ्या नर्सेसना कालबद्ध पदोन्नती द्यावी, वेतन महिन्याच्या ५ तारखेच्या आत करावे, प्राथमिक आरोग्य केंद्र व उपकेंद्रातील नर्सेसचे सेवापुस्तक अद्ययावत करावे, प्रशिक्षण पथक व जिल्हा आरोग्य विभागात प्रतिनियुक्ती द्यावी, गोपनीय अहवालाची प्रत कर्मचाऱ्यांना द्यावी, अंशकालीन स्त्री परिचरांना कामावर घ्यावे या मागण्यांचा समावेश होता.