अहेरी : पोलीस स्टेशन व मुक्तिपथच्या संयुक्त विद्यमाने अहेरी शहरातून रेझिंग डे सप्ताहाच्या अनुषंगाने व्यसनमुक्त संकल्प रॅली काढण्यात आली. विद्यार्थ्यांनी रॅलीच्या माध्यमातून खर्रा व तंबाखूजन्य पदार्थांची विक्री बंद करण्याचे आवाहन करीत जागृती केली.
खर्रा व तंबाखूच्या सेवनामुळे आराेग्यावर विपरीत परिणाम हाेतात. त्यामुळे नागरिक व शालेय मुलांना व्यसनापासून दूर ठेवण्यासाठी अहेरी येथे जागृती माेहीम हाती घेण्यात आली. राणी दुर्गावती विद्यालय तथा सावित्रीबाई फुले कनिष्ठ महाविद्यालयातील विद्यार्थांनी रॅली काढून खर्रा व तंबाखूजन्य पदार्थांच्या सेवनाविरोधात जनजागृती केली. तसेच तंबाखूजन्य पदार्थांची विक्री न करण्याची पानठेला धारकांना विनंती केली. ही रॅली आलापल्ली येथील चौकातून काढून मुख्य रस्त्याने नेण्यात आली. दरम्यान तंबाखूविरोधी घाेषणा देण्यात आल्या. दरम्यान प्राचार्य गजानन लोनबळे यांनी विद्यार्थ्यांना व्यसनांचे दुष्परिणाम सांगत मुले व पालकांना व्यसनमुक्त राहण्याचे आवाहन केले. एपीआय बाळासाहेब शिंदे यांनी अवैध धंद्यांची माहिती पोलिसांना देण्यास सांगितले. मुक्तिपथ तालुका संघटक केशव चव्हाण यांनी मुलांना व्यसन व व्यसनापासून होणारे दुष्परिणाम सांगत व्यसनमुक्तीची शपथ दिली.