तालुक्यात ४ हजार ६०० नागरिकांनी घेतली काेराेना प्रतिबंधात्मक लस

उपजिल्हा रुग्णालयात ८२२ आरोग्य कर्मचारी, ७७४ फ्रंटलाइन वर्कर्स (पोलीस व महसूल कर्मचारी) तर ४५ ते ५९ वर्षांदरम्यान असलेले ४१२ नागरिक तर ६० व त्यापेक्षा अधिक वयाच्या ३९९ नागरिकांना प्रथम डोस देण्यात आलेला आहे. तसेच ६२१ आरोग्य कर्मचारी, ३५५ फ्रंटलाइन वर्कर्स व १७ ज्येष्ठ नागरिकानासुद्धा कोरोना प्रतिबंधात्मक लसीचा द्वितीय डोस देण्यात आलेला आहे. तालुका आरोग्य अधिकारी कार्यालयाअंतर्गतसुद्धा मार्च महिन्याच्या अंतिम आठवड्यापासून लसीकरणाची मोहीम सुरू करण्यात आलेली असून येथील प्राथमिक आरोग्य केंद्र व उपकेंद्रामार्फत ग्रामीण भागात आजपर्यंत १ हजार २०० नागरिकांचे प्रथम डोस लसीकरण करण्यात आलेले आहे. तालुक्यात लसीकरण मोहीम जोमात सुरू असून आवश्यक प्रमाणात लसीची मागणी जिल्हा सामान्य रुग्णालयाकडे करण्यात आलेली आहे, अशी माहिती येथील उपजिल्हा रुग्णालयाचे वैद्यकीय अधीक्षक डॉ. कमलेश परसवानी, वैद्यकीय अधिकारी डॉ. जगदीश बोरकर, तालुका आरोग्य अधिकारी डॉ. सुरेश दामले यांनी दिली आहे.