गडचिराेली : महाराष्ट्र शासन व राज्य शैक्षिणक संशाेधन व प्रशिक्षण परिषद (एससीईआरटी) महाराष्ट्रातर्फे स्वाध्याय स्टुडंट व्हाॅट्स ॲप बेस्ड डिजिटल हाेम असेसमेंट याेजनेची सुरुवात नाेव्हेंबर २०२० मध्ये पहिल्या आठवड्यात सुरू करण्यात आली हाेती. स्वाध्याय उपक्रम सुरू झाल्यापासून या उपक्रमात जिल्ह्यातील १० हजारांवर विद्यार्थी सहभागी झाले हाेते. जिल्ह्यातील ४२ टक्के विद्यार्थ्यांचा स्वाध्यायवरच अभ्यास करण्यात आला. दर आठवड्याला वेगळा स्वाध्याय दिला जाताे व आठवड्याला हा स्वाध्याय साेडवून पूर्ण करायचा असताे. दर शनिवारी हा स्वाध्याय दिला जाताे.
काेट...
स्वाध्याय मालिका विद्यार्थ्यांची तयारी करवून घेण्यासाठी अत्यंत महत्त्वाची आहे. मात्र, सुरुवातीला जिल्ह्यातील फारच कमी विद्यार्थी यात सहभागी झाले हाेते. आता १० हजार पेक्षा अधिक विद्यार्थी यात सहभागी झाले आहेत. पुढील आठवड्यात विद्यार्थ्यांची संख्या आणखी वाढेल. - आर. पी. निकम, शिक्षणाधिकारी प्राथमिक, गडचिराेली.
काेट...
काेराेनामुळे शाळा बंद झाल्याने आम्हाला अडचण निर्माण झाली हाेती. मात्र, आता स्वाध्याय उपलब्ध झाल्याने मी व माझ्या मैत्रिणी एकाच फाेनवरून ठरावीक वेळेत स्वाध्याय साेडविताे. आलेल्या अडचणींबद्दल शिक्षकांकडे विचारणा करताे. - तृप्ती काेटांगले, विद्यार्थिनी
बाॅक्स...
तीन तालुके आघाडीवर
स्वाध्यायवर अभ्यास या उपक्रमात सुगम भागातील विद्यार्थ्यांनी उत्स्फूर्तपणे सहभाग घेतला आहे. गडचिराेली, चामाेर्शी व आरमाेरी या तीन तालुक्यांतील सहभागी विद्यार्थ्यांची संख्या अडीच हजारांच्या आसपास आहे. उर्वरित तालुक्यातील विद्यार्थ्यांची संख्या एक हजाराच्या खाली आहे.