जगातील सर्वोत्तम फुटबॉलपटूख्रिस्तियानो रोनाल्डो याला कोरोना झाल्याची माहिती पोर्तुगालफुटबॉल महासंघानं दिली आहे. रोनाल्डोनं पोर्तुगाल कडून १६७ सामन्यांत सर्वाधिक १०१ गोल केले आहेत. रविवारी पोर्तुगाल आणि फ्रान्स यांच्यात UEFA नेशन लीग्सचा सामना गोलशून्य बरोबरीत सुटला होता. त्यात रोनाल्डोच्या संपर्कात फ्रान्सचे अनेक खेळाडू आले होते. त्यामुळे आता अन्य खेळाडूंचं टेंशन वाढलं आहे.
कोरोना रिपोर्ट पॉझिटिव्ह आल्यानंतर रोनाल्डो आयसोलेट झाला आहे. रोनाल्डोची प्रकृती ठणठणीत असून त्यात कोरोनाची कोणतीही लक्षणं नाहीत. पोर्तुगाल संघातील अन्य खेळाडूंचा कोरोना रिपोर्ट मात्र निगेटिव्ह आले आहेत.