मुंबई - पोर्तुगालचा प्रमुख खेळाडू ख्रिस्तियानो रोनाल्डोने रेयाल माद्रिदसोबतचा नऊ वर्षांचा प्रवास सोडून इटालियन क्लब युव्हेंटससोबत करार केला. त्यामुळे 2018-19च्या मोसमात रोनाल्डो युव्हेंटसकडून खेळताना दिसणार आहे. त्याच्या या नव्या इनिंग्जची उत्सुकता सर्वांनाच लागली आहे. त्यासाठी फेसबुकही सज्ज झाले आहे.
फिफा फुटबॉल विश्वचषक स्पर्धेनंतर रोनाल्डोने विश्रांती घेतली होती. मात्र, आता तो युव्हेंटसकडून खेळण्यासाठी सज्ज झाला आहे. युव्हेंटसकडून त्याचा पहिला सामना फेसबुक मोफत प्रक्षेपित करणार आहे. रोनाल्डो 18 ऑगस्टला पहिला सामना खेळणार आहे.