कोपा अमेरिका फुटबॉल ब्राझीलच्या कर्णधारपदी एल्वेस, नेमारकडून कर्णधारपद काढले

ब्राझीलने कोपा अमेरिका कप स्पर्धेसाठी स्टार फुटबॉलपटू नेमारच्या स्थानी दानी एल्वेसची कर्णधारपदी नियुक्ती केली आहे.

रिओ जानेरिओ : ब्राझीलने कोपा अमेरिका कप स्पर्धेसाठी स्टार फुटबॉलपटू नेमारच्या स्थानी दानी एल्वेसची कर्णधारपदी नियुक्ती केली आहे. ब्राझील फुटबॉल महासंघाने (सीबीएफ) सोमवारी ही घोषणा केली.सीबीएफने म्हटले की,‘प्रशिक्षक टीटे यांनी या निर्णयाबाबत नेमारला सूचना दिलेली आहे.’ आठवेळा जेतेपदाचा मान मिळवणाऱ्या ब्राझील संघाला १४ जूनपासून प्रारंभ होत असलेल्या स्पर्धेत बोलविया, वेनेझुला व पेरु यांच्यासह एका गटात स्थान मिळाले आहे. ब्राझील संघ त्याआधी, कतार व होंडुरास या संघाविरुद्ध सराव सामने खेळेल. (वृत्तसंस्था)