Virajas Kulkarni Shivani Rangole Wedding : तेरे नाम की मेहँदी...! शिवानी रांगोळेनं शेअर केले मेहंदी सोहळ्याचे खास फोटो

Virajas Kulkarni Shivani Rangole Wedding : विराजस व शिवानीच्या मेहंदी सेरेमनीचे व्हिडीओ तुम्ही पाहिलेच. आता शिवानीने मेहंदीचे फोटो शेअर केले आहेत.

मराठी सिनेसृष्टीतील एक क्यूट कपल विराजस कुलकर्णी व शिवानी रांगोळे यांची लग्नघटिका जवळ आली आहे.नुकताच त्यांच्या मेहंदीचा सोहळा पार पडला.

विराजस व शिवानीच्या मेहंदी सेरेमनीचे व्हिडीओ तुम्ही पाहिलेच. आता शिवानीने मेहंदीचे फोटो शेअर केले आहेत.

फोटोत शिवानीच्या हातावर विराजसच्या नावाची मेहंदी सजलेली दिसतेय. मेहंदी भरलेल्या हातांनी ती अनेक पोझ देताना दिसतेय.

‘किस्मत की लकीरें भी आज इठलाई है, तेरे नाम की मेहँदी जो हाथोंपर रचाई है,’ असं सुंदर कॅप्शन देत शिवानीने मेहंदी सेरेमनीचे फोटो शेअर केले आहेत.

फोटोत शिवानी प्रचंड सुंदर दिसतेय. हिरव्या रंगाचा कॉटनचा वन पीस शिवानेनी तिने कॅरी केला आहे. अंगावर फुलांचे दागिने आहेत.

शिवानीच्या हातावरची मेहंदी आणि तिच्या या ड्रेस यामध्ये एका गोष्टीचं साम्य होतं, ती म्हणजे हत्तीची डिझाइन.

विराजस व शिवानी दीर्घकाळापासून रिलेशनशिपमध्ये आहेत. आपलं नातं त्यांनी कधीच जगापासून लपवून ठेवलं नाही. एका नाटकाच्या सेटवर या लव्हस्टोरीची सुरूवात झाली होती.

‘डावीकडून चौथी बिल्डिंग’ या विराजसच्या नाटकात शिवानीनं अभिनय केला होता. तेव्हाच त्यांची ओळख झाली. पुढे दोघांमध्ये चांगली मैत्री झाली आणि या मैत्रीचं रूपांतर प्रेमात झालं.

विराजसनं ‘होस्टेल डेज’ या चित्रपटातून चित्रपटसृष्टीत पदार्पण केलं होतं. विराजस फक्त अभिनेता नाही तर तो एक दिग्दर्शकही आहे.