सनी देओलच्या ५६ कोटींच्या बंगल्यावर होती जप्तीची टांगती तलवार पण 'गदर २'ने सगळंच बदललं, आता आहे सगळ्यात महागडा अभिनेता

Sunny Deol : अभिनेता सनी देओलच्या २२ वर्षांनंतर रिलीज झालेल्या 'गदर २'ने इतिहास रचला. या'सिनेमाच्या यशानंतर तारा सिंगचा भाव चांगलाच वधारला.

गदर २ सिनेमाने सनी देओलच्या करिअरला पुन्हा एकदा नव्याने उभारी दिली असचं म्हणावं लागेल. तब्बल २२ वर्षानंतर रिलीज झालेल्या या सिनेमाने सनीचं करिअर एका वेगळ्या उंचीवर नेऊन ठेवलं.

गदर २ रिलीज झाला तेव्हा मुंबईतल्या 'सनी व्हिला' या त्याच्या बंगल्याचा लिलाव होणार होता. व्हिलावर असलेले ५६ कोटींचे कर्ज न फेडल्याप्रकरणी त्याच्या बंगल्याचा लिलाव होणार होता.

पण यानंतर बँकेने यू-टर्न घेत लिलाव रद्द केला. बँकेने सनी देओलला २०१६ मध्ये चित्रपट निर्मितीसाठी हे कर्ज दिले होते. मात्र गदर २ च्या यशानंतर सनी देओलच्या आयुष्यातील सगळं बदललं.

आता प्रेक्षक आपल्या आवडत्या स्टारला अधिकाधिक पाहण्यासाठी आसुसले आहेत. त्यामुळे 'गदर २'नंतर आता सनी देओल बॉर्डर 2मध्ये झळकणार आहे. बॉर्डर 2 चित्रपटाची शूटिंग 2024 मध्ये सुरु केले जाणार आहे.

मीडिया रिपोर्टनुसार, सनी देओलने बॉर्डर २ सिनेमासाठी ५० कोटी रुपये फी चार्ज केली आहे. केवळ फी नाही, तर अभिनेता सिनेमाला झालेला नफादेखील शेअर करणार आहे.

सनी देओलने गदर २ सिनेमासाठी २० कोटी रुपये मानधन घेतलं होतं. गदर २ हिट झाला आणि सनीचा भाव चांगलाच वधारला. निर्माते जेपी दत्ता आणि भूषण कुमार यांच्याशी सनी देओल यांच्यातील डीलदेखील फायनल झाल्याचं बोललं जातं.

१९९७ च्या सर्वाधिक कमाई करणाऱ्या ब्लॉकबस्टर चित्रपटात सनी देओल व्यतिरिक्त सुनील शेट्टी, जॅकी श्रॉफ, अक्षय खन्ना, पुनीत इस्सार, सुदेश बेरी आणि इतरांसोबत भूमिका केल्या होत्या.

आता 'बॉर्डर २' सिनेमाचं शूटिंग २०२४ च्या मध्यानंतर सुरू होणार असल्याची माहिती आहे.