सध्या मार्केटमध्ये नवनवीन फॅशन ट्रेन्ड पहायला मिळतात. अनेकदा जुन्याच फॅशन पुन्हा नव्याने ट्रेन्डमध्ये येतात. तर बऱ्याचदा काही नवीन हटके फॅशन बाजारात येतात. शॉपिंग करताना क्लॉलिटीसोबतच ट्रेन्डींग फॅशन असलेले कपडे खरेदी करण्यावर जास्त भर देण्यात येतो. त्यामुळे ट्रेन्ड आणि स्टाईल यांच्या सतत बदलणाऱ्या फॅशनमध्ये आपल्याला स्वतःला अपडेट ठेवणंही गरजेचं असतं. जर तुम्हाला जॅकेट्सची आवड असेल तर मार्केटमध्ये सध्या आलेले ट्रेन्डी जॅकेट्स नक्की ट्राय करा.
चेस्टर फील्ड कोट
अनेक लोकं प्रवासादरम्यानही आपला लूक आणि ट्रेन्डी फॅशन फॉलो करण्यावर भर देतात. अशा लोकांसाठी चेस्टर फील्ड कोट ट्राय करणं फायदेशीर ठरेल. तुम्ही स्लिप ड्रेस किंवा कॅज्युअल जीन्स आणि टी-शर्टवर घालू शकता.
अंडरस्टेटेड लेदर
अनेक बॉलिवूडसेलिब्रिटी आपल्याला अंडरस्टेटेड लेदर जॅकेट्समध्ये पहायला मिळतात. या जॅकेटमुळे तुम्हाला बायकर लूक मिळेल. हे जॅकेट अनेक दिवसांपासून ट्रेन्डमध्ये असून तुम्हीही हटके लूकसाठी हे जॅकेट वापरू शकता.
कॉर्डरॉय जैकेट
मार्केटमध्ये आता corduroy फॅब्रिक मोठ्या प्रमाणात येणार आहे. याची खास गोष्ट म्हणजे कॉटनपासून तयार करण्यात आलेले असतात. त्यामुळे याचा एक हटके लूक तुम्हाला नक्की आवडेल. मॅचिंग पॅन्टवर घातल्याने याचा लूक आणखी खुलून दिसतो.
बेल्ट जॅकेट
मार्केटमधील अनेक नामांकित फॅशन ब्रँडनी वेगवेगळ्या स्टाईलचे जॅकेट्स बाजारात आणले आहेत. त्यामधील सर्वांच्या पसंतीला उतरलेले जॅकेट म्हणजे बेल्ट असलेलं जॅकेट. कोणत्याही पॅन्ट किंवा ट्राउझरवर हे जॅकेट वापरता येते.
ट्रेन्च कोट
तुम्हाला सॉफिस्टिकेटेड लूक कॅरी करायचा असेल तर त्यासाठी तुम्ही ट्रेंच कोट ट्राय करू शकता. अनेक बॉलिवूडसेलिब्रिटी ट्रेन्च कोटमध्ये दिसून येतात. जर तुम्हाला सतत प्रवास करावा लागत असेल तर प्रवासादरम्यान तुम्ही ट्रेन्च कोट वापरू शकता.