सध्या फॅशन वर्ल्डमध्ये चिकनकारी कुर्ता ट्रेन्ड होताना दिसतो. चिकनकारी कुर्त्यांसाठी लखनऊ फार प्रसिद्ध आहे. सिम्पल आणि हटके लूकसाठी चिकनकारी कुर्तीचा पर्याय हमखास निवडण्यात येतो. अनेकदा बॉलिवूड सेलिब्रिटीही या चिकनकारी कुर्तीमध्ये दिसून येतात. अनेक महिलांसोबतच तरूणींनाही या कुर्तीं भूरळ घालतात.
दिवंगत अभिनेत्री श्रीदेवी यांची मुलगी आणि बॉलिवूड अभिनेत्री अनेकदा वेगवेगळ्या लूकमध्ये दिसून येते. जान्हवीला ट्रेडिशनल लूक ट्राय करायला फार आवडते. अनेकदा जान्हवी सिंम्पल आणि सोबर चिकनकारी कुर्तीमध्ये दिसून आली आहे.
आपल्या अदांनी लाखो चाहत्यांना घायाळ करणारी बॉलिवूडची मस्तानी दीपिका पादूकोन आपल्या ड्रेसिंग स्टाइलसाठी आपल्या चाहत्यांमध्ये प्रसिद्ध आहे. दीपिका अनेकदा ट्रेडिशनल वेअरमध्ये दिसून येते. दीपिकाच्या कलेक्शनमध्येही बऱ्याचदा चिकनकारी कुर्ती दिसून येतात.
बॉलिवूडची फॅशन आयकॉन म्हणून ओळखली जाणारी सोनम कपूर नेहमीच आपल्या ड्रेसिंगबाबत एक्सप्रिमेंट करताना दिसते. सोनमच्या वॉर्डरोबमध्ये अनेक वेस्टर्न आउटफिटसोबत ड्रेडिशनल आउटफिट्सही आहेत. अनेकदा सोनमही चिकनकारी कुर्तींमध्ये दिसून आली आहे. तुम्हीही सोनमप्रमाणे सिंपल आणि हटके कुर्ती ट्राय करू शकता.
आलिया भट्ट आपल्या फॅशन सेन्समुळे अनेकांना आपली दखल घेण्यास भाग पाडते. सध्या रणबीर सोबत असलेल्या अफेअरमुळे चर्चेत असलेली आलिया अनेकदा आपल्या ड्रेसिंग सेन्समुळेही चर्चेत असते. आलियाप्रमाणे तुम्हीही वेगवेगळ्या प्रकारे चिकनकारी कुर्ती ट्राय करू शकता.
सोनाक्षी सिन्हा अनेकदा ट्रेडिशनल आउटफिट्समध्ये दिसून येते. सोनाक्षीकडेही चिकनकारी कुर्ती आणि ड्रेसेसचं हटके कलेक्शन आहे.