​केजरीवालांचाही मेणाचा पुतळा??

मादाम तुसाँद या जगप्रसिद्ध संग्रहालयात आता दिल्लीचे मुख्यमंत्री अरविंद केजरीवाल यांचा मेणाचा पुतळाही विराजमान होणार आहे. मीडियाने दिलेल्या वृत्तानुसार, केजरीवाल यांच्या कार्यालयाच्या सूत्रांनी या वृत्तास दुजोरा दिला आहे. खुद्द केजरीवाल यांनी त्यांच्या मेणाच्या पुतळ्यासाठी माप देण्याची तयारी दर्शवली आहे. पुढील महिन्यात केजरीवाल यांची मापे नोंदवली जातील, अशी शक्यता आहे. काही दिवसांपूर्वी पंतप्रधान नरेंद्र मोदी व टीव्ही कलाकार कपिल शर्मा यांचे मेजरमेंट घेण्यात आले होते.