धुळे : तालुक्यातील सात ग्रामपंचायतीच्या निवडणुका जाहीर झाल्या आहेत. अर्ज माघारीच्या दिवशी वडणे येथील ग्रामपंचायतीचे सरपंच व सदस्य बिनविरोध झाले. आता उर्वरित ६ ग्रामपंचायतींच्या सरपंचपदासाठी २६ तर सदस्यपदासाठी १६४ उमेदवार रिंगणात आहे. यासाठी २४ फेब्रुवारी रोजी मतदान होणार आहे.तालुक्यातील आर्वी, जुन्नेर, हेंद्रुण, काळखेडे, कुंडाणे (वरखेडी), गौताणे व वडणे या ग्रामपंचायतींसाठी निवडणूक जाहीर झालेली आहे. सरपंचपदासाठी ६८ व सदस्य पदासाठी २९१ उमेदवारांनी अर्ज दाखल केले होते.१३ रोजी अर्ज माघारीचा अंतिम दिवस होता. यात सरपंचपदासाठी अर्ज दाखल केलेल्या ४१ जणांनी व सदस्यपदासाठी उमेदवारी दाखल केलेल्या १२० जणांनी माघारी घेतली. यापैकी वडणे ग्रामपंचायतीचे सरपंच व सदस्यांची बिनविरोध निवड झाली. आता ग्रामपंचायतनिहाय सरपंच व कंसात सदस्यपदासाठी रिंगणात असले उमेदवार असे- आर्वी ३ (३२), जुन्नेर ३ (१८), हेंद्रुण ५ (३०), काळखेडे ९ (३५), कुंडाणे (वरखेडी) ३ (२७), गोताणे ३ (२२). ग्रामपंचायतींसाठी २४ रोजी मतदान होणार असून, २५ रोजी मतमोजणी होणार आहे.ग्रामीण भागात निवडणूक प्रचार जोरात सुरू झाला आहे.
सरपंचपदाच्या ६ जागांसाठी २६ उमेदवार
By लोकमत न्यूज नेटवर्क | Updated: February 15, 2019 22:02 IST