महिला गटांना चाळीस लाखांचे कर्ज मंजूर

परंडा : तालुक्यातील रुई, भांडगांव, पिंपरखेड, खानापूर या गावामध्ये उमेद अभियान व बँक ऑफ इंडियाच्या माणकेश्वर ग्रामीण शाखेच्या वतीने कर्ज वाटप मेळावा घेण्यात आला. यात एकूण ४० लाख रुपये कर्ज समूहांना देण्यात आले. तसेच समूहातील सदस्यांचे विमा, श्रमयोगी योजना, अटल पेन्शन आदी योजनेचे फॉर्म भरून घेण्यात आले. यावेळी बँक ऑफ इंडियाचे शाखा व्यवस्थापक वरूणराजे गोरे, अनुप थमूल, क्षेत्राधिकारी वाडकर, महाराष्ट्र ग्रामीण बँकेचे शाखा व्यवस्थापक भूषण व्यवहारे, श्रीराम टेकाळे, उमेद अभियानाचे तालुका व्यवस्थापक माणिक सोनटक्के, प्रभाग समन्वयक विजय गवळी, बँक सखी लिमकर, प्रेरिका महानंदा कवठे, सुनीता चौधरी, सारिका अंधारे आदी उपस्थित होते.

फोटो ओळी - परंडा तालुक्यातील रुई येथे कर्ज मेळाव्या प्रसंगी उपस्थित बँक व्यवस्थापक वरुण गोरे, तालुका अभियान व्यवस्थापक माणिक सोनटक्के व महिला.