तामलवाडी (जि. धाराशिव) : तुळजापूर तालुक्यातील तामलवाडी टोलनाक्यावर एका कारमधून एमडी ड्रग्ज जप्त करण्यात आले. ही कारवाई स्थानिक गुन्हे शाखा व तामलवाडी पोलिसांनी शुक्रवारी रात्री पावणे अकरा वाजण्याच्या सुमारास केली. पोलिसांनी तिघा आरोपींना बेड्याही ठोकल्या आहेत.
कारामधून ड्रग्ज आणण्यात येत असल्याची माहिती मिळताच स्थानिक गुन्हे शाखा व तामलवाडी पोलिसांनी तामलवाडी टोलनाक्यावर शुक्रवारी रात्री साडेदहा वाजता सापळा लावला. साधारणपणे पावणे अकरा वाजता कार आली असता, पोलिसांनी पकडली. झडती घेतली असता, 2 लाख 15 हजार रुपये किंमतीचे एमडी ड्रग्ज आढळून आले. यावेळी पोलिसांनी ड्रग्ज, कार जप्त करून तिघांना बेड्या ठोकल्या. या प्रकरणी रात्री उशिरा तामलवाडी पोलीस ठाण्यात गुन्हा नोंद झाला.