Husband Caught Wife Red Handed : उत्तराखंड हल्द्वानी शहरातून ‘पति, पत्नी और वो’ अशी एक घटना समोर आली आहे. बाजारातून पती जेव्हा घरी परतला तेव्हा दरवाजा आतून बंद होता. बराचवेळ त्याने दरवाजा वाजवला, पण कुणी उघडला नाही. काही वेळाने जेव्हा दरवाजा उघडला तर आत पत्नी एका व्यक्तीसोबत दिसली. याचं कारण विचारलं तर पत्नी आणि तिचा प्रियकर दोघांची भंबेरी उडाली. अशात दोघांनी मिळून पतीला मारहाण केली. पीडित व्यक्तीच्या तक्रारीवरून महिला आणि तिच्या प्रियकरावर गुन्हा दाखल केला गेला असून चौकशी सुरू आहे.
इथे राहणाऱ्या एका तरूणाने पोलिसात दिलेल्या तक्रारीत सांगितलं की, तो इथे पत्नी आणि 6 वर्षाच्या मुलीसोबत राहतो. पत्नी नैनीताल जिल्ह्यात सरकारी स्कूल टीचर आहे. त्याने पोलिसांना सांगितलं की, गेल्या 18 मार्चला जेव्हा तो घरी पोहोचला तेव्हा त्याच्या घराबाहेर एक गाडी उभी होती.
आरोप आहे की, बराचवेळ दरवाजा वाजवूनही दरवाजा उघडला नाही आणि जेव्हा पत्नीने दरवाजा उगडला तर तिच्यासोबत दुसरी व्यक्ती होती. जेव्हा पतीने ही व्यक्ती कोण आणि इथे काय करते याबाबत विचारलं तर पत्नी नाराज झाली आणि दोघांनी मिळून पतीवर हल्ला केला. दोघांनी त्याला बेदम मारहाण केली.
पीडितने सांगितलं की, दोघांनी त्याला जीवे मारण्याची धमकी दिली आहे. पीडितने जेव्हा घरातील सीसीटीव्ही कॅमेरे चेक केले, तेव्हा समजलं की, प्रियकर घरी आल्यावर तिने सीसीटीव्ही बंद केले होते. आरोप आहे की, गेल्यावर्षी ऑक्टोबरमध्ये त्याच्या पत्नीने त्याच्यावर चाकूने हल्ला केला होता. उपचारानंतर दोघांचा वाद मिटला होता. पीडितने संशय व्यक्त केला की, त्याची पत्नी त्याला खोट्या केस अडकवू शकते, सोबत दोघे मिळून त्याची हत्याही करू शकतात. पोलीस म्हणाले की, चौकशी सुरू आहे. योग्य ती कारवाई केली जाईल.