Thailand Crime News : अनैतिक संबंधाच्या आणि अनेक लोक रंगेहाथ पकडले गेल्याच्या अनेक घटना नेहमीच समोर येत असतात. सामान्यपणे एक महिला आपल्या पतीला एका महिलेसोबत रंगेहाथ पकडतात. पण एक अशी घटना समोर आली आहे जी वाचून सगळेच हैराण झाले. एका महिलेने तिच्या पतीला एक -दोन नाही तर तीन महिलांसोबत बेडवर पाहिलं. त्यानंतर जे झालं ते वाचून तुम्ही हैराण व्हाल.
महिलेने तिच्या पतीला तीन महिलांसोबत बेडवर पाहिलं आणि संतापून तिने फेसबुक लाइव्ह व्हिडीओ सुरू केला. नंतर पतीने पत्नीला मारहाण केली आणि नंतर त्याने रागात तिच्यावर गोळी झाडली. या घटनेचा सीसीटीव्ही व्हिडीओ समोर आला आहे. पोलिसांनी आरोपी पतीला अटक केली आहे. हे प्रकरण ड्रग सिंडेकटसोबत जुळलेलं आहे.
Thethaigar रिपोर्टनुसार, ही घटना थायलॅंडच्या नखोन सी थम्मरात प्रोव्हिन्समध्ये गेल्या महिन्यात घडली. मुएंग पोलिसांनी लोकांना सांगितलं की, महिलेला सोइ पेपेमध्ये भाड्याच्या घरासमोर गोळी मारण्यात आली. पोलीस जेव्हा घटनास्थळी पोहोचले तेव्हा 27 वर्षीय महिला जरान्या फाह योथाकुन रस्त्यावर पडली होती. तिला डाव्या कानाकडून गोळी मारण्यात आली होती.
महिलेवर गोळी झाडण्याआधी तिचं पतीसोबत काही मिनिटे भांडण झालं होतं. त्यानंतर फाहच्या 30 वर्षीय पती अनोनल मॅक सुथिकेन याने रागाच्या भरात आधी एक गोळी हवेत फायर केली. नंतर त्याने पत्नीला एक छापड मारली. त्यानंतर त्याने तिच्यावर एक गोळी झाडली. घटनेनंतर एका कारने तिन्ही महिला आणि मॅक घटनास्थळावरून फरार झाले. त्याची पत्नी रस्त्यावर मृत पडलेली होती.
पोलिसांनी घटनास्थळावरून गोळ्यांचे दोन रिकामे बॉक्स मिळाले आहेत. तसेच पोलिसांनी महिलेचे फेसबुक लाइव्हही पुरावा म्हणून ताब्यात घेतलं. पोलिसांनी मॅकला हत्येच्या संशयात अटक केली आहे. तो स्थानिक लोकांमध्ये मॅक तुंग जिन नावानेही ओळखला जातो.
ज्या महिलांसोबत कथितपणे मॅक होता, त्यातील एका महिलेने फेसबुक पोस्ट लिहिली आहे. महिलेने लिहिलं की, तिला आणि इतर तरूणींना मॅक आणि फाह यांच्यातील रिलेशनशिपबाबत काहीच माहीत नव्हतं.
या महिलेने लिहिलं की, जेव्हा फाहवर गोळी झाडण्यात आली तेव्हा ती हैराण झाली. या महिलेने तिचे कॉल रेकॉर्ड जाहीर केले आहेत. महिलेने सांगितलं की, पोलिसांना सकाळी कॉल करून तिने बोलवलं. पुढील कारवाई सुरू आहे.