झारखंडच्या चत्रामध्ये तीन जणांनी एका ५० अवर्षीय विधवा महिलेवर सामूहिक बलात्कार केल्याची धक्कादायक घटना घडली आहे. ५० वर्षीय पीडित महिलेने पोलिसांना सांगितले की, तिने बकरीला मारहाण केल्याबद्दल एका आरोपीकडे नुकसान भरपाईची मागणी केली होती. नुकसान भरपाईची मागणी केल्यामुळे आरोपींनी तिच्यावर बलात्कार केला, असे या महिलेने पोलिसांना दिलेल्या जबाबात म्हटले आहे.इंडिया टुडे टीव्हीशी बोलताना एसपी रिषभ झा म्हणाले की, या महिलेचा जबाब नोंदविण्यात आला आहे आणि दोषी आढळलेल्यांना सोडले जाणार नाही. झारखंडच्या चत्रामध्ये तीन जणांनी ५० वर्षाच्या विधवेवर सामूहिक बलात्कार केला आणि पीडितेच्या गुप्तांगात स्टीलचा रॉड खुपसण्यात आला होता. ३ आरोपींपैकी दोघांना अटक करण्यात आली असून तिसरा आरोपी फरार आहे. गुरुवारी रात्री दहाच्या सुमारास चत्राच्या हंटरगंज भागात ही घटना घडली. ३ पुरुषांनी तिचे अपहरण केले गेले. त्यानंतर तिघांनी तिच्यावर बलात्कार केला, तिच्या खासगी भागात स्टीलचा रॉड खुपसला आणि घटनेबद्दल तिने कुणाशी वाच्यता केली त्याचे परिणाम वाईट होतील असे धमकावून त्यांनी तेथून पळ काढला. तिच्या कुटुंबातील सदस्याला ती रक्ताच्या थारोळ्यात पडलेली आढळली. महिलेला हंटरगंज कम्युनिटी हेल्थ सेंटरमध्ये नेण्यात आले. तेथून तिला बिहारच्या गया येथील अनुग्रह नारायण मगध मेडिकल कॉलेजमध्ये पाठविण्यात आले. आता पीडित महिलेला रुग्णालयातून सोडण्यात आले आहे.