नवी दिल्ली - रूबी सिंह उर्फ ब्राउन शुगर भाभी...बिहारच्या सासाराम जिल्ह्यात रूबीच्या नावावर २० गुन्हे दाखल आहेत. एकाच पोलीस ठाण्यात १३ गुन्हे दाखल आहेत. तिच्या माहेरपासून सासरी कुटुंबातील सर्वच लोक बेकायदेशीर व्यवसायात सहभागी आहेत. गेल्या १० वर्षापासून ते हा व्यवसाय करतात. आसपासच्या अनेक जिल्ह्यात त्यांचे नेटवर्क पसरले आहे. केवळ पुरुषच नाही तर मुलीही या धंद्यात सहभागी आहेत. पोलिसांनी जेव्हा या नेटवर्कचा पर्दाफाश केला तेव्हा चौकशीत जे समोर आले त्याने बरीच रहस्य उलगडली.
आपल्या घरातून ब्राउन शुगर म्हणजे ड्रग्सचा व्यवसाय करणारी रूबी सिंह सध्या पोलीस कोठडीत आहे. रूबी यूपीतून ब्राउन शुगर आणून त्यात नशेची पावडर मिसळत होती. त्यानंतर हे ड्रग्स आसपासच्या जिल्ह्यांमध्ये पाठवायची. बिहारमध्ये राहणाऱ्या रूबीचा ड्रग्सचा कारभार झारखंडची राजधानी रांचीपासून प्रत्येक भागात पसरला आहे. सर्वात आधी ब्राउन शुगर भाभी नावाने प्रसिद्ध असलेली रूबी सिंह कोण आहे हे जाणून घेऊ.
बिहारच्या सासाराम जिल्ह्यातील रेल्वे स्टेशनजवळील कारगर गावात राहणारी रूबी मागील १० वर्षापासून ड्रग्स व्यवसायात आहे. तिचा भाऊ पिंटू साह, छोट्या बहिणीचा नवरा प्रिंस, दीर सूरज कुमार साहसोबतच संपूर्ण कुटुंब या धंद्यात सहभागी आहे. बिहारमध्ये राहून रूबीने तिचा व्यवसाय झारखंडच्या रांचीपर्यंत पोहचवला आहे. रांचीच्या प्रत्येक भागात ती ब्राउन शुगर खरेदी करते. त्यातून तिच्यावर २० पेक्षा जास्त गुन्हे दाखल आहेत परंतु गुन्हेगारी क्षेत्रात तिचे पाऊल थांबले नाही. रांचीच्या सुखदेवनगर पोलीस ठाण्यात १३, कोतवालीत २, लोअर बाजार २, खेलगाव, जगन्नाथपूरच्या पुदांग आणि अरगोडासह अनेक ठाण्यात तिच्यावर गुन्हे दाखल आहेत. पोलिसांनी तपासाचा फास आवळल्यानंतर तिने २९ एप्रिलला सरेंडर केले.
पोलिसांनी रूबी सिंहला कोर्टात हजर केल्यानंतर तिला ३ दिवसांची रिमांड मिळाली. त्यानंतर पोलिसांना तिच्या चौकशीत धक्कादायक खुलासे समजले. ब्राउन शुगरचा तिचा धंदा मुली सांभाळत होत्या. मुलींना यात सहभागी करण्याचा हेतू असा होता की कुणालाही त्यांच्यावर संशय येणार नाही. अलीकडेच ड्रग्स रॅकेट प्रकरणात एका महिलेला पोलिसांनी अटक केली होती. तिच्या जवळून पोलिसांनी जवळपास ४ लाख ५० हजार रूपये आणि ८८ ग्रॅम ब्राउन शुगर जप्त केली होती.