पश्चिम बंगालच्या मालदामध्ये एक्सट्रा मॅरिटल अफेअरच्या संशयामुळे महिलेचे केस कापून तिला परिसरात फिरवण्यात आलं आणि मारहाण करण्यात आली. या घटनेमुळे पुरतुली भागात एकच खळबळ उडाली आहे. सूचना मिळताच पोलीस घटनास्थळी पोहोचले आणि त्यांनी चौकशी सुरू केली.
एका महिलेवर तिच्या विवाहित भाच्यासोबत अनैतिक संबंध ठेवण्याचा आरोप आहे. ज्याने काही दिवसांआधीच तणावात आत्महत्या केली. तेच आत्महत्या करणाऱ्या तरूणाची पत्नी आणि परिवाराने महिलेला पकडलं. पतीला गमवाल्याच्या दु:खात त्यांनी महिलेला मारहाण केली. इतकंच नाही तर तिचे केस कापले आणि तिला परिसरात फिरवलं. सूचना मिळाल्यावर पोलीस घटनास्थळी पोहोचले.
आत्महत्या केलेल्या तरूणाच्या पत्नीने सांगितलं की, तिचं लग्न दहा वर्षाआधी झलं होतं. पती ड्रायव्हर होता. आम्हाला दोन मुले आहेत. कॉलनीतील एका सविता नावाच्या एका महिलेसोबत त्याचे अनैतिक संबंध होते. याचा विरोध केल्यावर महिला तिला म्हणाली की, ती आता तिच्या पतीसोबत संबंध ठेवणार नाही. पण तिने ते मान्य केलं नाही. हळूहळू पती आणि महिलेच्या संबंधाची माहिती सगळ्या लोकांना झाली.
तरूणाच्या पत्नीने सांगितलं की, कॉलनीतील लोकांनी याबाबत सांगितलं. त्यांनी समजावल्यानंतरही महिलेला पतीसोबत संबंध ठेवायचे होते. यावरून माझं पतीसोबत भांडण होत होतं. याच मंगळवारी पती कामावर गेला आणि नंतर समजलं की, तो अॅसिड प्यायला. त्याला कसंतरी हॉस्पिटलमध्ये नेण्यात आलं. जिथे त्याचा मृत्यू झाला.
या घटनेनंतर महिला पळून जाण्याच्या तयारीत होती. तिला शुक्रवारी पकडण्यात आलं. यानंतर तरूणाची पत्नी आणि परिवाराने महिलेला मारहाण केली. त्यानंतर तिचे केस कापून तिला गावात फिरवलं. या घटनेची सूचना मिळताच पोलीस घटनास्थळी पोहोचले. पोलीस घटनेची चौकशी करत आहेत.