लाखांदूर : दुचाकीवरुन ताेल जावून खाली पडल्यानंतर त्याचवेळी एसटी खाली चिरडून व्यापारी ठार झाल्याची घटना लाखांदूर येथील वडसा - पवनी फाट्यावर गुरुवारी दुपारी ४ वाजताच्या सुमारास घडली. विशेष म्हणजे सदर व्यापारी दुचाकीवर मागे बसून हाेता.
राजेश ताराचंद मदान (५०) रा.नागपूर असे मृताचे नाव आहे. ताे गुरुवारी आपल्या दुचाकीने पुतन्या चंकी मदान (२८) याच्यासह व्यवसायीक कामाने लाखांदूर येथे येत हाेता. त्यावेळी वडसा पवनी फाट्यावर दुचाकीवर मागे बसलेला राजेश यांचा ताेल गेला आणि खाली पडले. त्याचवेळी समाेरुन आलेल्या भंडारा आगाराच्या एसटी बसने (एम एच ४० वाय ५४८५) च्या मागील चाकाखाली ते चिरडले गेले.
अपघात एवढा भीषण हाेता की, त्यांचा उजवा पाय तुडून पडला. हा प्रकार लक्षात येताच अनेकांनी मदतीसाठी धाव घेतली. जखमी अवस्थेत राजेश मदान यांना लाखांदूरच्या ग्रामीण रुग्णालयात दाखल केले. मात्र तेथेच त्यांचा मृत्यू झाला. या अपघाताची नाेंद लाखांदूर पाेलिसांनी घेतली असून अधिक तपास ठाणेदार मनाेहर काेरेटी यांच्या मार्गदर्शनात करण्यात येत आहे.