MP Crime News : मध्य प्रदेशच्या उज्जैनमधून २१ वर्षीय तरूणीसोबत रेपची घटना समोर आली आहे. इथे एका तांत्रिकाने जादू-टोनाच्या नादात तरूणीवर अत्याचार केला. पीडितेच्या तक्रारीनंतर पोलिसांनी आरोपी तांत्रिकाला अटक केली आहे. पोलीस पुढील चौकशी करत आहेत.
२१ वर्षीय पीडित तरूणी मानसिक रूपाने कमजोर आहे. तिची मानसिक क्षमता वाढवण्यासाठी तिची आई तिला एका तांत्रिकाकडे घेऊन गेली. यादरम्यान आरोपीने तिच्या आईला काही कारण सांगत रूममधून बाहेर पाठवलं आणि त्यानंतर आरोपीने तरूणीवर अत्याचार केला.
पीडितेच्या आईने सांगितलं की, त्यांची मुलगी थोडी डोक्याने कमजोर आहे. उपचारासाठी देवासच्या एका व्यक्तीसोबत संपर्क केला. जो लोकांना जादू-टोना करण्याच्या नावावर फसवत होता. जेव्हा ती तिच्या मुलीला त्याच्याकडे घेऊन गेली तेव्हा त्याने सांगितलं की, मुलीवप भूत-प्रेत आत्म्याची सावली आहे. हे सांगून मुलीच्या आईला रूमच्या बाहेर काढलं आणि दरवाजा बंद केलं. ती मुलगी ठीक होण्याची वाट बघत राहिली.
पीडितेच्या आईचा आरोप आहे की, रूममध्ये तिच्या मुलीला नशेच्या गोळ्या देऊन बेशुद्ध करण्यात आलं. नंतर तिच्यावर रेप करण्यात आला. सोबतच मुलगी शुद्धीवर आल्यावर ती बरी झाल्याचा दावाही करण्यात आला. शुद्धीवर आल्यावर मुलीने सगळी घटना आपल्या आईला सांगितली. त्यानंतर महिलेने पोलिसात तक्रार दाखल केली आणि पोलिसांनी आरोपींना अटक केली.