ठळक मुद्दे निवडणुकीच्या पार्श्वभूमीवर हा साठा विक्रीस आणला असल्याची शक्यता मद्याच्या साठयासह चारचाकी वाहन, एक ट्रक जप्त करण्यात आला असून तीन आरोपींवर कारवाई करण्यात आली आहे
ठाणे - राज्यात बंदी असलेल्या बॉम्बे स्पेशल व्हीस्कीचे ४०० बॉक्स या विदेशी मद्यासह वाहन असा दारुबंदी गुन्ह्याखाली 52 लाखांचा मुद्देमाल राज्य उत्पादन शुल्क विभागाच्या ठाणे भरारी पथकाने बुधवारी जप्त केला आहे.
या करवाईत मुंबई नाशिक राष्ट्रीय महामार्ग क्रमांक ३ शहापुर खर्डी येथे मध्यप्रदेश येथून विक्रीस आणण्यात आलेला मद्याच्या साठयासह चारचाकी वाहन, एक ट्रक जप्त करण्यात आला असून तीन आरोपींवर कारवाई करण्यात आली आहे. निवडणुकीच्या पार्श्वभूमीवर हा साठा विक्रीस आणला असल्याची शक्यता वर्तविण्यात आल्याची माहिती राज्य उत्पादन शुल्क विभागाच्या ठाणे भरारी पथकाने दिली.