पूनम अपराज
मुंबई - बॉलिवूडचा प्रसिद्ध गायक मिका सिंग हा अनेकदा वादात अडकताना दिसला आहे. अलीकडेच एक धक्कादायक घटना समोर आली असून मिकाने आपल्या इंस्टाग्रामवरून या सौम्याच्या मृत्यूबाबत धक्कादायक माहिती दिली आहे. मात्र , KRK या वादग्रस्त अभिनेत्याने मिकाची मॅनेजर असलेली सौम्या हिने नुकतीच आत्महत्या केल्याची मााहिती दिली आहे. ही आत्महत्या मिकाच्या अंधेरीतील रेकॉर्डिंग स्टुडिओमध्ये केली आहे, अशी माहिती दिली आहे.
अतिरिक्त पोलीस आयुक्त मनोज शर्मा यांनी या वृत्तास दुजोरा देत ही घटना 2 फेब्रुवारी रोजी घडली असून याबाबत अपमृत्यूची नोंद वर्सोवा पोलीस ठाण्यात असल्याचं सांगितलं. सौम्या शोएब खान (28) असं मृत महिलेचं नाव असून चार बंगला येथील म्हाडा, बंगला क्रमांक 190 या कार्यालयस्थळी तिने 2 फेब्रुवारीला रात्री 11.30 वाजताच्या सुमारास झोपेच्या गोळ्या घेतल्या. त्यानंतर कोकिलाबेन रुग्णालयात तिला दाखल करण्यात आलं, मात्र तिचा मृत्यू झाला.
गायक मिका सिंग याचा रेकॉर्डिंग स्टुडिओ अंधेरीमध्ये आहे. याच अंधेरीमधील त्याच्या स्टुडिओमध्ये त्याची मॅनेजर सौम्याने झोपेच्या गोळ्या खाऊन आत्महत्या केल्याची घटना आता उघडकीस आली आहे. KRK या वादग्रस्त अभिनेत्याने त्याच्या ट्विटरवरुन देखील ही माहिती दिली आहे. सौम्याचा एक फोटो पोस्ट करत त्याने ट्विट करत लिहिलं, 'सिंगर मिका सिंगची मॅनेजर सौम्याने त्याच्या अंधेरी पश्चिमेकडील रेकॉर्डिंग स्टुडिओमध्ये आत्महत्या केली आहे.'अशी माहिती दिली आहे.
या बंगल्यातच सौम्या राहत होती. झोपेच्या गोळ्यांचा ओव्हरडोस घेत सौम्याने आत्महत्या केली. असं असलं तरीही या आत्महत्येमागचं खरं कारण अद्याप समजू शकलेलं नाही. सौम्याला आई-वडील नव्हते पण तिचे आजी-आजोबा पंजाबमध्ये राहतात. यामुळे मिकाने अंत्यसंस्कारांसाठी तिचं पार्थिव शरीर पंजाबमध्ये नेलं आहे अशी माहिती मिळत आहे.
blockquote class="instagram-media" data-instgrm-captioned data-instgrm-permalink="https://www.instagram.com/p/B8Feax2nCSL/?utm_source=ig_embed&utm_campaign=loading" data-instgrm-version="12" >
A post shared by Mika Singh (@mikasingh) on